Tate Myre cu a mah thawn nunram bang mi tlawngta pawl rak run phah in a nunnak liam tu mi raltha a si tiah sim (December 3, 2021)

Tate Myre cu a mah thawn nunram bang mi tlawngta pawl rak run phah in a nunnak liam tu mi raltha a si tiah sim

(December 3, 2021)

         Kan dung tlawngkai nihnih ni, Michigan ramthen, Oxford phunsang tlawngah meithal kah awknak a rak cang ih cui thilcang ah kum 16 a ti mi tlawngta Tate Myre cu a rak tlan ih methal kap tu ih hriamhrei long ding zuam phah in methal hriamhma besia zetin a rak ngah hnu siizungih an hruai lai ah lam lak ah a nunnak a rak cem.

         Cui thil a can lai ah midang cu a himnak hmun ih an relh lai ah a nih cu tihnungza lakih a rak tlan thu, a ralthatnak, thazaang cahnakin a rak hmuhton mi ihsin ol ten a rak luat thei ko nan nunnak him ten tlan ding ai in mi tampi nunnak run dingah tuah a tul ti a thei ih dinhmun kham dingih a botcat nak a si tiin a mai bawhlung lehnak le boxing zirh tu, Ross Wingert in a rak sim.

         A dang tlawngta pathum a si mi Hana St. Juliana kum 14, Madisyn Baldwin kum 17 le Justin Shilling kum 17 pawl khal cui thil sual tuah tu ih ruahnak um lo ih thahnak ah an nunnak an rak liam. Cui thilcang ruangah kum 15 a ti mi tlangval rinhleh mi an kaih thu, a dang pasarih cu besia zet in hriamhma an ngah ih Myre thihnak tuar in rak humhim lo sehla tu hnak in tlawngta tampi in an nunnak a rak cem men thei tiah an sim.

         Myre cu mipa nunau thumte sungin upabik a si. A mah cu bawhlung lehnakah tumtahnak sangpi nei ih lek tu a si. A mai nunnak hman ui lo in mi tampi ih nunnak humhim dingih thihnak a rak tuar ruangah a rualpi pawl in lethmat pawl dil in an lehnak zung cu Myre sunloihnakah a hmin tarlang sak dingah an tuah rero.

         A mah cu a mai tlawng ih tlawngta pawl hrangah mi raltha a si lo. Hi thilcang in a ralthatnak mang ringring a tul. Tesinfa pawl tla sim bet a tul. Myre cu an nunnak tihnung lak ih a um rero tu tlawngta pawl ih nunnak run dingah a nunnak a rak liam. Tlawngkai nihnih ni ih khawn mi tlawngta pawl ih lethmat pawl cu tlawngkai nili ni ah 146,000 a um zo tiah an sim.

         Hi thuthang cu Aleteia thuthang ih kan ngah mi a si.

https://bit.ly/3pRBAef