Taksa kim lo pawl thu thawn pehpar aw in Philippines ram mi pawl thar thawh aw sal dingah zuam (December 6, 2021).

Taksa kim lo pawl thu thawn pehpar aw in Philippines ram mi pawl thar thawh aw sal dingah zuam

(December 6, 2021)

            Catholic kohhranpi ih pawlkom ah taksa kim lo pawl khal hmunkhat ten um dingah Philippines ram ih Novaliches Diocese in an tuah thok rero. ‘Inter-Diocesan Engagements Assistance and Services’ (IDEAS) pawlkom tumtah mi pawl tuah taktak dingah Novoliches Diocese le cui tumtahnak ih tuanvo nei tu Puithiam Ambrosio Nonato Legaspi Thawn an rel tlang ding tiin an sim.

            Kum 55 a kim zo tu cui Puithiam in Diocese sungah an tumtah mi tuah suak dingah 2000 kum lai ah ruahnak a rak pek thu, ziangruangah tile Diocese sung tul mi pawl khal a si thu, (IDEAS) cu Philippines daan tangah cazah a silo mi zaangfah lainatnak hnatuan pawlkom tiin 2020 nemhnget a si tiin an sim.

            December 4 ni ah hi mi pawlkom dinhmun in taksa kim lo pawl pumcawm thei dingah bomnak pawl pek ding a si thu an suah. Curuangah a tul mi kut ke kim lo pawl hrang ke tel mi tonak pawl, hnaset pawl, tha mal pawl le midam lo pawl khal Missa raithawinak ah tel ter in Bawi Jesuih Thi le Sa khal sang thei dingah an tawlrel sak.

            Hi mi tumtahnak cu hotu pawlkom sungtel 17 thawn din in, Bishop pawl, Puithiam pawl, mi menmen hotu pawl, fimthiamnak a pe thei tu pawl le online lam ih thiamnal pawl khal an tel. Hi mi pawlkom sungtel dinhmun in taksa kim lo pawl zaten ziang kimih thansonak tuah dingah, pawlkom in tul mi bawmnak hlei ah thlarau lam thu zir nak pawl khal tuanvo la in an tuah ding.

            Hi mi pawlkom cu Manila Archdiocese thawn kom aw in tuah ding a si thu, December 4, 2021 ram tinkim taksa kim lo pawl ni ah Manila Archbishop Jose F. le Cardinal Advincula te in Missa raithawinak an hoha. 2010 ah harhdamnak zungih an suah mi vekin ram pi ih mipum taan 1.443 um mi lak ah taksa kim lo 92.1 tan an um ih zateek in 1.57% an um. Hi mi ah mipa mipum 50.9 cu nunau hnak in 49.1 an tam deuh. 2021 ahcun mi panga ah pakhat dinhmun in taksa kim lo on thang ih kum in cun kum 14 tang phuah khat a pahnih nak pawlkom ah hnatuan thei 15-64 kum lak an si tiin an sim. Himi thuthang cu RVA thuthang ihsin kan don mi a si.

Photo courtesy of Stat News

https://bit.ly/3EClk6K