Indonesia meisa tlang a puak ruangih harsat tuar pawl hrangah Pope Francis thlacam sak. (December 7, 2021)

Indonesia meisa tlang a puak ruangih harsat tuar pawl hrangah Pope Francis thlacam sak.

(December 7, 2021)

            Indonesia ram ih Semeru meisa tlang puaknak ruangah a thi tu pawl le harsat tuar pawl hrangah Pope Francis cu thinna zetin thla a cam sak. Meisa tlang a puak nakah a zuam rero tu cutawk hmun ih upa pawl, tuanvo nei tu pawl le mi bom tu pawl hrang khalah thla a cam sak thu cu Indonesia hrang Pope aiawhtu asimi Archbishop Piero Pioppo hnen kuat mi ca ah an ngan. Pathian ih remdaihnak thazang thluasuah le thluasuah pawl harsat tuar pawl zate par thleng dignah le thlacam a sak.     

            Mi 34 an thih nak himi meisa tlang puaknak theh ah Indonesia President Joko Widodo khalin amah dinhmun in remsal nak hnatuan pawl, dinsal nak pawl, runnak pawl zuamnak thawn tuah asi ding tiin thukam nak a nei. 3676 m a sang mi Semeru meisa tlang cu December 4 zarhte ni ihsin thokin meisa khu a suak ih khua pawl ah a zam thu, a thupi mi mi bom tu pawkom ih an sim nak vekin mi 22 an hlo laiih mi tampi cu hmun him nak ah an relh lai.

            Semeru meisatlang cu Indonesia ih a um mi meisa tlang 100 luan sungah a tel mi pakhat asithu, kan dung December 7 tlawngkai nihnih ah cui meisa tlang cu tum 3 rori a puak ih a puak nak ihsin a sa mi khu pawl, lungto pawl, meisa khu pawl a tel tiin an sim. Himi thuthang cu Vatican thuthang ihsin kan don mi a si.

https://bit.ly/3rQ1OjC