Sualthlah ngaisak tu in leilungpi ah Christu Bawipa a um thu a langter tiin sual cawh kuannak thawn pehpar mi zungih tuanvo nei tu Cardinal Mauro Piacenza in sim. (December 10, 2021)

Sualthlah ngaisak tu in leilungpi ah Christu Bawipa a um thu a langter tiin sual cawh kuannak thawn pehpar mi zungih tuanvo nei tu Cardinal Mauro Piacenza in sim.

(December 10, 2021)

              Cardinal Maura Piacenza cu sualcawhkuannak thawn pehar mi zungih tuanvo nei tu asiih 2021, December thla ah sualthlah a ngai sak tu ding Pope ih Basilica pawl le sual thlah a ngai tu ding Puithiam pawl hnen ah ca pakhat a rak kuat. Bawinu Maria sual hram nei lo in a seem nak puaini ah van mi meisa cu Christmas tiang an vang lan ding. Cuvekin rak timtuah mi Adventu tikcucaan ih thlarau lam rah pawl ruat sal in tharthawh a tul. Cuvekin mitin hrangah a harsa mi khualtlawnnak an rak tuah.

              Cuihleiah kumhnih sung thuanthu pawl ruahsal hnuah sualthlahnak thawn pehpar mi pawl fiang zetin an rak tuah thei. Hi dinhmun ah Saramentu ih hminsin nak le a mai dam ter theinak a lang ter. Sualthlah ngaisak tu in leilungpi ah Christu Bawipa a um thu a hmuh.

              Cardinal in tui kum Adventu tikcu can ah sualthlah a ngai sak tu ding Puithiam pawl zaten Adventu Sacramentu cu “a danglam hleice mi thluasuah ih hmu dingah John tha Baptist ah mah le mah tuah in leilungpi cu Pathian ih Tuu fate zoh uh, tiih lamhmuh dingah a forhfial. Hi vekin sualthlah a ngai sak tu ding Puithiam pawl in anmai tuanvo rin um ten silhkhah nak thawn Bawi Jesuh cu leitlun ah “mi zangfah thiam, duhdawt thiam, a dik mi, thu hman, thluasuah, hnemnak le tangdor nak ih a um thu a lang ter rero.

              Christian pawl in zumnak cu mah leh mah theih awk lo, nel aw lo mi Pathian asilole mai ban lo mi Pathian zum in ko dingah a zirh lo. Pathian a mah rori zo asiti kan hnen ah tleunak pe dingah minung sinak a lak. Culawngah minung pawl ih tuarnak, nunram hmuhton phah in rundam dingah Nu Pawlpi ih a thuk zetmi nunram, Sacramentu thawn pehpar mi hminsin nak le nuntu ziaza pawl thawn a um rero. Bawi Jesuh ih rundamnak hnatuan ah thluasuah le thatnak a ceem. Hi thluasuah cu a danglam mi biaknak lam asilole nunphung daan ah tla a te. Hi dinhmun ah, Bawi Jesuh cu leitlun ih pakhat lawng a simi rundam tu a si kha a lang ter. Nazareth mi Bawi Jesuh cu pakhat lawng asimi rundamtu si lo sehla a par lam ih simmi dinhmun pawl ah rundamnak thluasuah pawl ngah a theih lo. Curuangah sualthlahnak ah cui rundamnak thuthang than a tul. Ziangahtile thu hman le thudik an haal thu a lang ter. Cutikah zalennak le luat nak haal nak thinlung cu minung pawl ih thinlung sungah a thanglian ding a si.

              Sualthlah a ngai sak tu Puithiam cu Bawi Jesuh hi leitlun ah a um ti a lang ter vekin a mah rori khal cuvekin a silhkhah awk a tul. A thianghlim mi Puithiam cannak Sacramentu lak nak ih a thupi zet mi khal a si. Bawi Jesuh ih hnatuan cu Pawlpi sungah caan reipi um dingin tuah a tul. Hi hnatuan cu thudik thawn rem aw sal dingah a si. Hi hnatuannak pawl ruangah Puithiam pawl cu mi lainat thiam tiih nemhnget nak a si. Ziangah tile thatlonak ih huapnak tuar ringring a si le leilungpi bawm in hlon dingah a dang tidaan hnakin sualthlahnak Sacrament utu le tu tuahnak thawn in a si.

Duhdawtnak langternak

              Hi man a nei zet mi riantuannak thawn a hlan vekin leitlun ruahnak pawl ih dodal ih huapnak pawl ruangah a man pawl a tum ih upatnak khal a mal cih ve. A tul lo tiih simrelnak pawl tuah a si theu.

              Sualthlah a ngai sak tu Puithiam cu a mah dinhmun in a dik mi duhphorhnakih a tel thu theih a si. Cui duhphorhnak cu zaangfahnak le thatnak, thuhman le thudik thawn pehpar mi duhphorhnak a si. Cui duhphorhnak cu Pathian a mah rori hi duhphorhnak a si ti langter tu Bawi Jesuh a mah rori in a rak thok.

              Hi duhdawtnak langternak le duhdawtnak a si mi Bawi Jesuh ah pakhat ciar ih nunram thleng ding cu a cang thei mi Biaknak lam, nunphung lam a phunphun ih zuam a tul. Hi thlengawknak cu Puithiam tinkim ih thlengawknak khal a si.

              Curuangah sualthlah a ngai tu ding Puithiam pawl hnenah Cardinal in hi thlengawknak cu Puithiam tinkim ih thlengawknak khal a si. Curuangah sualthlah a ngai sak tu ding Puithiam pawl hnenah Cardinal in hi Sacramentu cu thinlung hngetkhoh zetin a thar ih kan unau pawl hnenah pacang tha pakhat vekin sunsak ih ngai sak dingah, hi hnatuan tuahnak thawngin ‘hnemnak’ ih hmindang ‘zaangfahnak’ tuahnak a sit hu, Puithiam pawl ih thinlung tak ten sualthlah ngai sak nak, upat nak thawn tuahnak pawl cu kohhran mipi pawl sualthlah duh dingih tha pek nak a si thu, sualthlahnak Sacramentu ruangah Pathian ih thluasuah a hleice in cohlang in nunram thleng a theih thu, Kohhran mipi pawl sualthlah dingih an thlen tikah tonak a lawng lo ding thu a rak sim ih Cardinal in a thusim mi cu Christmas thluasuah co dingah le sualthlah a ngai tu ding Puithiam pawl khal a thuk ih a tir hnak in Christu thawn lawng Pawlpi rian tuan phah in thlarau pawl rundam in pawlkom thiangfai ter hram uh tiah duhsaknak hlan phah in cibai a rak buuk.

              Hi thuthang cu Vatican thuthang ih kan ngah mi a si.

https://bit.ly/30lZJkj