Yatih pawl le Yatih Sister pawl ih suah mi thilri pawl Spain ih pawlkom pakhat in leitlunhuap ah pehtlaih in zuar bawm (December 12, 2021)

Yatih pawl le Yatih Sister pawl ih suah mi thilri pawl Spain ih pawlkom pakhat in leitlunhuap ah pehtlaih in zuar bawm (December 12, 2021)

         A hnawk mi nunphung pawlkom le hmun hla zet mi Yatih tlawng pawl ah Pathian thu ruat in, thlarau lam tuanvo pawl silhkhah a si vekin taksa lam hnatuan pawl khal a tuah tu Catholic Yatih pawl, Yatih Sister tampi leitlun ah an um. An mah in an tlawng sungih tulsam mi thil man cem mi pawl demdeuh dingah an ti thei mi le an zir mi thiamnak pawl thawn thilri pawl an suah ih cu mi zuar in sumpai an hawl theu. Curuangah an thilri pawl cu nan inn sungih bizu pawl ah re ve uh. Yatih tlawng pawl ih pumcawmnak hrangah a bawmtu Contemplare Foundation pawlkom cu Spain ram in a si ih an mah cu mi menmen kohhran sungtel pawlkom pawl thawn din mi a si.

         Hi pawlkom cu Yatih tlawng pawl ih suah mi ei in, thilri pawl mi zaraan pawl thawn pehtlaih in an zuar ih sumlut hawl sak tu pawlkom a si. Hi pawlkom ih lamhruaitu Alejandra Salinas in Yatih tlawng pawl hnenah ziang ti vek in kan lo bawm thei ding tiih a suh tikah Yatih pawl dinhmun in a lengah zalen zet in an vaak thei lo. A leng mi pawl thawn pehtlaihawk a ngah lo ruangah tlawng ih suah mi thilri pawl zuar bawm dingah an dil. Ziangah tile an tulsam mi a thei ih cui tulsam mi a bawm thei thu a sim. Hi pawlkom in Yatih pawl ih suah mi chochin pawl, in ding pawl, nauhak hnipuan pawl leitlunhuap ah pehtlaih in an zuar sak theu. An mah cu ramleng lawngah si lo in ramsung ah khal cui thilri pawl zuar thei dingah Madrid ah thilzuarnak khaan khal an tuah.

         Yatih pawl ih suah mi thilri pawl tu vekih zuar bawmnak thawn Yatih pawl ih thlun mi daan pawl khal mipi pawl sim dingah caantha pakhat a si thu, thilri pawl cu Yatih pawl ih suah mi a si ti mipi pawl ih an theih tikah an mang a bang zet. Cu tikah Spain ram ah Yatih tlawng ziangzat a um ti an suh tikah tlawng 750 luan a um tiih an sim thei thu, cu mi in an thu an thei duh sinsin thu, cu tikah Spain ah tlawng ziangzat a um ding tiah na ruat ti vek in khat le khat an suh awk thu, Spain ram ah leitlunhuap dinhmun in Yatih tlawng a tambik tin a thei maw tiin siseh, leitlun ih um Catholic Yatih thenthum thenkhat cu Spain in an si ti teh na thei maw ti vek in tong tluang zetin an rak rel theu. Pawlkom sungtel pawl cu an mah caan a pek theu tu pawl le mai ti thei tawkin Yatih tlawng pawl a bawm thei tu pawl si a tul. A bawmtu pawl sungin phunhra pawl khal an tel thu an sim.

         Hi thuthang cu Rome Reports thuthang ih kan ngah mi a si.

https://bit.ly/33ol9OH