Naute Jesuih inn te ihsin zirding mi thuhla 10 ( December 17, 2021)

Naute Jesuih inn te ihsin zirding mi thuhla 10 ( December 17, 2021)

December 17, 2021

          A liam zo mi 2019, December 1 ah Pope Francis in a rak suah. Cui capi cu ‘Admirabile sign um (‘Enchanting image’ lungawinak langternak)’ tiah hmin a pek. Capi cu December 1, Italy ram, Lazarus peng, tlang par khuapi pakhat a si mi Greccio ah lethmat a rak thu. Ziang ruangah cui tlangpar khuapi an hril ti le capi ih tle mi thuhla thawn pehpar in khuapi an hril ti le capi ih tel mi thuhla thawn pehtlaihnak a um ruangah a si.

          Cui hmun ah St. Francis Assisi in a liam zo mi 1223 ah Naute Jesuih inn te cu hmaisabik thuanthu sung tel ih rak din mi a si.

Cui capi sungah Pope Francis ih duh a nung zet mi capi tiah sirhsan a theih. Hi capi ngannak cu Christmas a thleng tinten Naute Jesuih innte cu lei cia mi thilri pawl thawn sak hnak in daan vekin tikcu lak ih rak timtuah mi thilri pawl thawn din mi innsungsang daan a sunloih duh ruangah a si.

          Capi sungih lak mi Naute Jesuih inn thawn pehpar in zir ding thuhla 10 cu a tanglam vekin a si.

Naute Jesuih innte cu a nung mi Cathianghlim thawn a bang aw.

Naute Jesuih suah daan cu a tlaitluang tuk. Asinan, Pathian ih Fapa, minung cannak a lak mi nuamnak ih thuthuk a langter. Naute Jesuih suahnak cu kannihkan zaten tangdor nak thawn thlarau lam khualtlawnnak ruat dingah tleunak in pek. Ziangah tile Pathian ih Fapa cu minung pawl thawn tong aw dingah tangdor ten minung cannak a lak ruangah a si.

Naute Jesuih suahnak ih hrampi cu Cathianghlim sungah a um.

Naute Jesuih suahnak cu minung pawl ih tuan cop mi si lo in Cathianghlim sungin a situ Pope in lamhmuh in a sim fiang. Mithianghlim Luke ih Cathianghlim sungah Bawinu Maria in Fapa a hringih puannem ten an tuam ih an hlum. Ziangah tile an hrangah beunak a um nawn lo tiah a um. (Lk 2:7)  Caw rawlkuang cu suahseemnak ih a laifannak a si. Naute Jesuih innte cu Italy tongin “presepe” tiah an ko ih       Latin tong in ‘praesepium’ suahnak a si. Ti duh san cu ‘caw rawlkuang’ a si.

Naute Jesuih inn sak mi daan cu Italy ram ih khuapi pakhat ah a rak thok.

St. Francis Assisi cu 1223 ah Rome khuapi ah Pope thawn an tongaw ih Franciscan kaing din dingah tidaan pawl a nemhnget sak ih a tlunnak lam tluanah Greccio khuapi ah a rak cawl. Cui caan cu Christmas thlen hlan ni 15 a duh ah a si. Cu tikah John ti mi pakhat cu bawmnak a rak dil. Cui bawmnak cu Bethlehem ih rak suak tu Naute mangsal dingah a si. A suah zaan cu a dai zetih caw rawlkuang sungah taksa note thawn ziang tluk in a har ding ti mitthlaam ih hmu thei dingah a si. Caw pawl, kalauk pawl ih kuang a si ih anmah ziang tin an zoh ding, fangkuang parah ziang tluk tuarnak thawn a it ding ti hmu dingah a si. Christmas ni a thlen tikah St. Francis in a nunram thawn bang aw mi a unau Yatih pawl thawn Naute Jesuih innte hmai ah fangkung pennak, caw, kalauk pawl khal in kulh in an upat.

Hmaisabik suahnak cu Sacramentu thawn a pehtlaih aw.

Ziang tin an pehtlaih aw? St. Francis thawn hmaisabik ah Naute Jesuih innte a rak hmu tu, cui hmun ih a thleng tu zaten hmuhtonnak thar an rak ngah. Cui hmuhtonnak cu langter theih lo tluk in tep mi nuamnak a si. Cui hnu ah Puithiam in caw rawlkuang parah Missa sumnak a rak tuah. Hi ti raithawinak tuahnak thawngin Bawi Jesuih suahnak le Bawipai Thi le Sa ih pehtlaih awk daan a langsar ter. Tui san ih tuah mi Naute Jesuih innte thawn a bang aw lo. Ziangah tile zuk, sintuh pawl a um lo. Naute Jesuih inn cu cui a ra biak tu pawl thawn lawng a famkim ter. Cu tiih famkim ter ding tumtahnak a si.

Naute Jesuih suahnak in hmuhdaan pakhat a suah ter.

Hmaisabik Naute Jesuih innte cun mangbang thlak zet mi a rak can ter. Celano khuapi ih Thomas (Thomas of Celano) cu St. Francis Assisi ih thuanthu hmaisabik ih rak ngantu a si ih a mah khal cui Nautei innte hmaisabik rak biak ngah tu pawl sungin pakhat a si ih hlei ah Naute Jesuh a ih lai rak biak ngah tu a si.

Naute Jesuih innte cu thuthangtha phuang dingah tidaan pawl a si.

Naute Jesuih innte tuah theh hnu ah St. Francis in thuthangtha hnatuan a rak thok. Cui hnatuan cu tui ni tiangin kan thinlung in pem rero lai. St. Francis ih a hawl hmuh mi thuthangtha sim daan cu a tlaitluang zet nan thilcang hman ruat sal in kan zumnak cu tui ni tiang thangphawk lai. Mitin ih ton thei mi tidaan a si.

Caw rawlkuang cu Pathian ih duhdawtnak langternak a si. 

Naute Jesuih innte cu thuk zet in a langter. Ziangah tile Pathian ih duhdawtnak a langter. Cu mi cu leilungpi sersiam tu in kan mah minung pawl ih thanaunak lak dingah a rak tongdor. Hi mi cu tuar theih, ruah ding a suah ter. Minung pawl zate khal Pathian ih Fapa minung sinak a lak mi hi tangdornak cu ‘tihphannak, hmuhtohnak’ pawl thawn farahnak tuar dingah ruahnak a suah ter.

Naute Jesuih innte rian dingah in forhfial

Christmas din mi Naute Jesuih innte ah a langsar mi thuthangtha a sim. Kan mah khal a mah vekin tangdor mi, a famkim lo mi, mai duhnak uk thi tu tidaan dil dingah in sawm. Cui tidaan cu Bethlehem khuapi, caw rawlkuang ihsin Thinglamtah lampi a si. Cui ti daan ih feh lai ih tuah dingah a nautabik mi unau pawl bawmnak thawn a mah rian dingah a si.

Naute Jesuih innte ih hmuhdaan pawl cu duhsan a nei zet.

Naute Jesuih innte sak caan ah tu le tu inn hlun pawl, a cim mi inn pawl thuhla khal a tel. A dang thil pawl hnak in cui a cim mi mit thawn a hmu thei a tlu mi milai pawlkom a si. Siatsuahnak siatnak, thanaunak pawl a hrial thei lo. Cui dinhmun ah Bawi Jesuh cu a hlun mi leitlun ah tharthawh salnak a si. Bawi Jesuh leitlun ih a suahnak cu dam ter ding, din sal ding, leilungpi sersiamnak, a thok vekin kan nunram rem sal dingah a si.

Naute Jesuih innte cu Bawinu le St. Joseph pawl upat dingah forhfial.

Naute Jesuih innte ah hmuh a theih mi Bawinu in a hrin mi a Fapa thuhla ruat rero tu nu a si nak a langter. A va biak tu tinkim a hmu ter. Ziangah tile a mah in a Fapa cu duhham in a ret lo. A Fapa ih tongkam cu mi tin ngai in thlun dingah a forhfial.

St. Joseph khal Bawinui kiangah dingin Bawinu le Naute Jesuh a kilkhawi. St. Joseph cu Pathian ih duhnak cat lo in apt u a si ih a taktak ih tuah tu a si thu, Naute Jesuih innte ah in thei ter. A mah vek ih tuah dingah khal tha pe in in forhfial rero.

Hi thuthang cu CNA thuthang ih kan ngah mi a si.

    https://bit.ly/3H2iRDv