Odette thlisia namnuai a tuar tu innsang pawl hrangah ramsung thawn pehpar mi thlacam ni tiin Philippines Catholic Pawlpi in namhnget (December 20, 2021)

Odette thlisia namnuai a tuar tu innsang pawl hrangah ramsung thawn pehpar mi thlacam ni tiin Philippines Catholic Pawlpi in namhnget

December 20, 2021

           Philippines Catholic Bishop pawl pawlkom (The Catholic Bishop’s Conference of the Philippines (CBCP)) in December thla 25 ni le 26 ni cu Odette thlisia ih namnuai a tuar tu innsang pawl hrangah ramsung hmuahhmuah thlacam ni tiin nemhnget in an than. Aralai dingmi Christmas ni le a thaisun khalah aveihnih khawmnak ih ngah mi ahlu paisa pawl cu thlisia ih namnuai a tuar mi harsat tuar pawl hrangah hmang dingah Archdiocese, Diocese a phunphun pawl an forh fial.

           Bishop pawl pawlkom ih President Pablo Virdilio David in “Alay Kapwa Solidarity fund” cu thupi zet ih a tul tu pawl hrang hmang ding a si tiin a sim vekin a hlu pawl zaten Philippines caritas pawlkom hnen kuat ding ah le cumi ihsin a tul vekin tuah in hmang ding a si thu khal a sim. Visayas le Mindanao hmun ih um mi malte Diocese 10 pawl cu typhoon ih namnuai nak nasazet in an tuar tiin caritas in an suah. Cui typhoon cu Philippines cu tuikum sung ih a cang mi typhoon pawl ih vei 15 nak typhoon  asivekin 195 km in a hrang ih inn le lo thilri pawl an siat ih innsang tampi harsat an tuar. Cui namnuainak a natsat nak hmun ahcun meisa le pehtlaih awknak line pawl khal a siat tiin an sim. Himi thuthang cu CBCP thuthang ihsin kan ngah mi a si.

https://bit.ly/3sogWoR