2021 kum ah Cardinal 14 nunnak cem December 31, 2021

2021 kum ah Cardinal 14 nunnak cem

December 31, 2021

            January 7 ah ahmaisabik Khrih hnen ih a cawl tu cu Swiss Cardinal Henri Schwery asiih zarhkhat a kim hlan, January 13 niah covid ruangah Brazil Cardinal Eusbio Oscar Scheid cu a nunnak a cem ve. April thla 2 ah Cameroon ram ih a hmaisabik Cardinal asimi Cardinal Christian Wiyghan Tumi cua nunnak a cem. Amah cu a ram ih remdaih nak a hawl tu pawl sungih pakhat a si.

          April 10 ni ah Australia Cardinal Edward Sassidy a nunnak a cem. Amah cu kum 96 a si zo. April 17 ni ah Lesotho ram ah Cardinal Sebastian Koto Khoarai cu a kum 91 ah a nunnak a cem. Cumi hnu ni 10 a rei April 27 ah thlang Korea Cardinal Nicholas Cheong Jin-Suk cu a kum 89 ah a nunnak a cem. May 29 ah Brunei ih a hmaisabik Cardinal Cornelius Sim khala nunnak a cem. July 11 ah Congo Democrat ram ih Cardinal Laurent Monsenwo Pasinya khal a kum 81 ah a nunnak a cem.

          July 29 ah French Cardinal Albert Vanhoye cu a kum 98 ah a nun nak a cem. August 10 ah Spain Cardinal Eduardo Martinez Somalo cu a kum 94 ah a nunnak a cem. September 23 ah covid 19 ruangah Cardinal Jorge Liberato Urosa Saving a nunnak a cem. Nithum a reiah Brazil Cardinal Jos Freire Falco cu covid 19 ruangah a kum 95 ah a nunnak a cem.

          September 29 ah Mozambique ram ih a hmaisabik Puithiam khal si, ahmaisabik Bishop khal si, ahmaisabik Cardinal khal asimi Cardinal Alexandre Jos Mara dos Santos cu a kum 97 ah a nunnak a cem. October 3 ah Chile ram Cardinal Jorge Medina Estvez a nunnak  a cem.

          A tui run sim mi Cardinal 14 hleiah Puithiam 2 khal an nunnak  a cem ruangah Vatican a hnin ter thei. Cui Puithiam pahnih ah pakhat cu Fr.Stan Swamy Sj, asiih adang pakhat cu Pope kilkhawi tu Fr. Nuncio Giordano asiih annih pawl cu 2021 sungih nunnak a cem tu pawl an si. Himi thuthang cu Rome Reports thuthang ihsin kan don mi a si.

https://bit.ly/3mOoOfI