2022 ah Cardinal thar hril dingah Pope ih khualtlawnnak program le hngakhlap ih theih cak za thu pawl (January 1, 2022)

2022 ah Cardinal thar hril dingah Pope ih khualtlawnnak program le hngakhlap ih theih cak za thu pawl

(January 1, 2022)

            Pope ih khual tlawnnak in Cardinal thar pawl, 2022 kum ah hngak dingmi thil cang pawl cu Vatican in an suah. 2022 kum cu Vatican tel in leitlun killi dinhmun ah a hmun hnget lomi pawl thawn a thok. Pope ih tuah dingmi kum reipi hrang tumtah mi pawl le a phunphun capi pawl cu pulhnat in a kham. Tuikum ah Pope Francis in pehbet in dokhamnak sii dawt dingah a zuam dingih a farah mi ram pawl ah covid 19 dokhamnak sii pawl ngah thei dingah Pope in a forhfial ding. Mi tinkim tiar cia in dokhamnak sii ngah thei dingah ram a phunphun ih pawlkom tinkim hmunkhat ten tuan tlang dingah a thupit thu Pope in a sim.

          Pope ih khual tlawnnak pawl cu pulhnat dinhmun a thannak parah a bun aw. Tuikum kum hrek ah Finland asilole Kazakhstan ih tuah dingmi Moscow nisuah nak lam Orthodox Puithiam pawl thawn tong aw dingah Pope in a timtuah rero. “Duhnak ka nei ringring. Kei khal Moscow ih feh dingah ka duh. Ulenau thawn biak aw dingah ziang vekk daan hman a um lo” tiin Pope in a sim. August thla ih a thleng dingmi Pope John Paul Europe ram pawl ah Santiago de Compostela ih ca a kuat nak kum 40 nak caanserh ah Pope Francis tel dingah Santiago de Compostela ah Pope Francis a feh thei thu,

          September thla ah a liam zo mi caan ih Catholic mipi pawl ih hmuhsuam tuar tu, cutawk hmun ih pawlkom pawl thawn tong aw dingah Pope cu Canada ah a feh thei men tiin an sim. India ram ah tlawng dingah India Prime Minister Narendra Modi ih a sawmnak cu Pope in a rak cohlang nan a feh ding ni a than hrih lo. Pulhnat a can hlan ihsin Pope cu Indonesia ram, Papua New Guinea, nisuah nak lam Timor le thlang Sudan feh dingah timtuah rero a siih dinhmun a that asile cutawk hmun pawl ah feh dingin program a um thu,

          Ukraine Catholic mipi pawl in kan dung kum sung Russia thawn doawk lo ding ah Pope cu cui ram ah feh tengteng dingah an rak zum nan, Vatican ihsin khualtlawn nak thawn pehpar in ziang hman sim mi a um lo. “Ka thlacam nak tang ah nel mi Ukraine ram mi pawl hrang a um ringring timi ka aamahkhan” tiin Pope in sim.

          Pulhnat a reh asi ah cun Vatican ah caanserh pawl ro pi zet in tuah sal dingah Pope in tumtah nak a nei. 2019, October 8 ah St. Peter tual ih tuah mi netabik biak nak lam caanserh ah Cardinal John Henry Newman ih Mithianghlim ih khaisannak caanserh a si thu,  A dang cuvek puai cu May 15 ah Charles de Founcauld Mithianghlim khaisan nak asilole September 4 ah Pope John Paul I ih Blessed khaisannak caanserh tuah dingah a um thu, Pope ih program ah a dang puai ropi cu Rome khua pi ih leitlun innsang tonawk puai a si.

          June 25 zarhte ni ah cui puai ih tel dingah le Missa raithawinak tuah ding a si ih, June 26 ah Angelus thlacamnak anmah pawl thawn cam ding a si. Vatican ah a dang a thupi mi ni cu April 16 ih a thleng dingmi a cawl zo tu kum 95 a simi Pope Benedict XVI ih suahni a si. Asinan a harhdam nak lam ruangah ropi zet in puai tuah ding a cang thei lo thu,

Nan zate parah ka lungawi tiin Pope in sim.

          2022 ah Cardinal 10 cu kum 80 an kim ding ruangah Pope dinhmun co thei nak ah an tel thei lo ding. Curuangah Pope Francis cu a dinhmun aiawh dingah Cardinal thar pawl hril ding a si. Vatican sung thleng dingah tuah daan a hrampi daan thar cu thla tampi rei hnu suah dingah phur zet in hngak a si. Din daan a hrampi daan ca cu ngan cia asinan Pope in lethmat thu dingah a tul lai thu, himi ruahnak cu Vatican sung zung kha uknak mal dingah le Gospel thuthangtha karhzai nak parah tuan tam deuh dingah a si tiin an sim.

          Tuikum ih a thupi mi thuhla pawl sungah pakhat cu 2023 ih tuah dingmi Synod on Synodality  (hmunkhat ten khualtlawnnak) sung timtuahnak a si ding. Pope cu leitlun killi ih khuapi pawl ah thurelkhawmnak a tuah. Thurelkhawmnak ih tumtah mi cu Kohhran sung Baptism a la tu Catholic mipi tinkim cu Kohhran sungah tuanvo an nei timi theih ter duh ruangah a si thu,

          Puithiam pawl ih uknak timi ruahnak cu kanlak ah ni tin in in thlem ringring tu pakhat asiih, cui ruahnak tha lo cu Pathian ih minung thenkhat lawng hnen ah a tong terih, midang pawl cun anmah thu an ngai thu, kanmah pawl ruat dingah in tuah tiin Pope in a sim. January ihsin thokin thuthennak zungah zingzoi nak ah Cardinal Angelo Becciu thawn Vatican ram sumpai lam secretary ih a tel tu pawl an thok sal. Thuhla cu ruahnak hnakin a buai ih a hlan ih ruahnak hnakin thla tampi a rei thei tiin an sim. Himi thuthang cu Rome Reports thuthang ihsin kan don mi a si.

https://bit.ly/3EW9yU1