Peru le Colombia khawmzawh pawl Pope Francis tong dingah an khual tlawn nak thleng. (January 1, 2022)

Peru le Colombia khawmzawh pawl Pope Francis tong dingah an khual tlawn nak thleng.

(January 1, 2022)

            Peru le Colombia ihsin khawmzawh pawl cu Pope Francis tong dingah an khualtlawnnak program an thleng. Himi khawmzawh pawlkom cu Latin America ihsin Europe ih khual a tlawng tu pawl an si thu, Rome khuapi cu an feh nak ding a luubik hmun pawl sungin pakhat a sinan Pope le mipi pawl tonawk nak ih tel dingah a hlan ih an program ah a tel lo thu,

Carlos Tribin

          “Kan hrangah, Europe ih khualtlawnnak ah a thupibik pawl sungah pakhat cu Pope ih mipi pawl a ton nak puaiah tel dingah a si. Pope le mipi pawl tonawk nak cu a thupit tuk ruangah kan pawlkom zaten tel dingah ka forhfial” tiin khawmzawh pawl sungih pawlkom sungih Carlos Tribin in a sim.

Roberto Yepes

          “Pope le mipi tonawk nak puai cu lungawi za a si. Pope thawn malte hlat nak ah um in kanmah pawl ruahsan nak famkim mi thlarau lam hmuhton mi tha pakhat a ngah ter” tiin khal khawmzawh pawlkom sungih Roberto in a sim. Pope mipi pawl a ton nak ih a lak mi cu an hrangah Latin America mi pawl pek mi thu a si.

Carlos Tribin

          Kanmah pawl ih Latin America cu miphun pakhat ihsin a dang ram ah a vai ih um nak thilcang tampi hmuh a si. Curuangah mivai pawl hmuak nak in lungrualnak, duhdawt nak le siannak pawl ih thu pawl khal a sim ih, khawmzawh pawlkom sungih Carlos in a sim bet. Mi tinkim hrangah ruahnak pek duh mi cu Pope le mipi tonawk nak cu duh a um zet mi hmuhtonmi pakhat a si tiin khawmzawh pawlkom pawl in an sim. Cuihnuah Vatican ih an feh nak cu netabik tlawn nak si lo hram she tiin an ruahsan nak thawn thla an cam tiin khal an sim. Himi thuthang cu Rome Reports thuthang ihsin kan don mi a si.

https://bit.ly/32HK93y