Papa Francis mitthli tla ter thei ding tiangin lungawi ter tu nauhak te Puithiam zirnak tlawngah lut zo January 5, 2021

Papa Francis mitthli tla ter thei ding tiangin lungawi ter tu nauhak te Puithiam zirnak tlawngah lut zo

January 5, 2021

            Brazil ram, Rio de Janeiro ih rak tuah mi 2013 kum leitlun mino pawl puai ni ih hngilh thei lomi pakhat cu Brazil ihsin kum 9 mi mipa te le Papo Francis teiih lungawi zet ih pom awk nak zuk a si. Amah dinhmun in Pope si a duh nak thu cu Pope hnen a sim duh tuk ruangah khamnak pawl pahlan in kum 9 nauhak pate in Papa Francis hnen feh in a pom nak zuk a si.

            Nathan de Brito tiih kawh mi nauhak pa te khal Papa Francis khal lungawi nak mitthli thawn an pom awk caan ah “ka fapa Pathian ih kawh nak lam cu a tu a thok zo” tiin sim in a mai dinhmun in thla a cam sak ringring ding thu Pope Francis in Nathan hnen a sim. An tonawk hnu kum 8 a rei hnu a tu ahcun Nathan cu Brazil ih ummi Puithiam cannak tlawng pakhat ah a lut zo.          

            Lawrence Docese ih Bishop a simi Bishop Dom Joaquim Wladimir Lopes Dias in Nathan le Pope Francis tei tonawk nak theih asi vekin Nathan dinhmun in a tu caan ah Puithiam cannak tlawngah tlawngta pakhat asi zo timi thu cu a facebook ah Nathan ih zuk thawn a tarlang nak khal a si. Nathan ih a hngawng ih a orh mi thinglamta khal Papo Francis ih thinglamta thawn a bang mi thinglamta a orh mi zuk ah hmuh a theih. Himi thu cu Shalom World thuthang ihsin kan don mi a si.

Photo courtesy of SW News

https://bit.ly/32J4QMI