Nunau pakhat Spain ihsin Jerusalem ah ke thawn feh in khawmzawh (January 3, 2022)

Nunau pakhat Spain ihsin Jerusalem ah ke thawn feh in khawmzawh

January 3, 2022

            Spain ihsin Jerusalem ah feh in khawmzawh khualtlawnnak a thok tu nunau Carlota Velenzuela hmin a nei mi nunau pakhat a feh nak ding cu peng 3700 ke thawn a feh ih ram 12 in lan in a feh. Amah cu Finisterre ihsin Jerusalem kha kum khat sung feh dingah Spain ah a mah ih nitin nunram ah a hnatuan pawl a tan thu, 2022 January 2 ihsin thokin amah cu pound 3 hrawng a rit mi bak pakhat le leiram zuk pakhat lawng thawn khawmzawh nak a thok.

            “Amah ih a hmaisabik ni kekar nak a thok zo. Taktak ih a tuar nak cu tuizing ah a hlan hnakin timtuahnak a mal tiin ka ruat nan keimah ten tuah thei loin Pathian ih thluasuah a tul ih, tangdornak thawn thok dingmi tuah daan timi cu thinlung ruahnak sung ihsin ruah men in theih a theih”tiin a sim.

            Carlota Velenzuela hrang, himi khawmzawh nak cu Finisterra ihsin ziang tinkimih a hram thok nak asimi Jerusalem khuapi ih feh ding tumtah nak thawn a bang.“Jerusalem khuapi cu ka hrangah ziang tinkim ih a hram thok nak a aiawh ih, ka thinlung ruah nak ih khualtlawnnak khal a si. Lenglam taksa lam in feh rero asinan thinlung lam khal khawmzawh feh nak a si” tiin a sim.

            “Amah cu himi ke thawn feh nak kha tangdor nak thawn a rak thok. Himi ruangah keimah cu kar khat hnu kar khat ka feh thei. Curuangah taksa lam ih sawm nak asilo. A cang thei dingmi pawl hrang tan in khualtlawn nak ah lungawi ten ka um duh” tiin Carlotai in a sim. Ahmaisabik ke kar nak cu raltha zet in a feh thei tu amah lemah hawl hmuh awk nak ih zuamnak pakhat asi ter ih Carlota Valenzuela hrang a hmun lo mi pawl thawn a khat mi khualtlawnnak pakhat nak asi tiin an sim. Himi thu cu Rome Reports thuthang ihsin kan don mi a si.

https://bit.ly/3t149ZH