Siibawi pakhat Camillians pawlkom ah lut in Puithiam Ordination ngah January 3, 2022

Siibawi pakhat Camillians pawlkom ah lut in Puithiam Ordination ngah

January 3, 2022

           India ram thlanglam ih siilam siibawi pakhat cu dam tertu Bawi Jesuh dungthlun dingah amai hlawknak tampi ngah nak ding hnatuan ihsin a rak suak. Camillian tiih mi theih tam mi Infirm of the Ministers (MI) mi damlo pawl a kilkhawi tu pawkom tiin Kerala ramthen ah Puithiam Dr. Thomas Xavier Kidangan cu January 1 ah Puithiam cannak Ordination a ngah.

           Fr. Thomas cu a nauhak lai ihsin Puithiam le siibawi a cang duh thu siilam tlawng a kai sung netabik ah Bawi Jesuh hnen ap aw in nung dingah amah le mah thu a bot cat awk thu, cuihnuah amah cu siibawi dinhmun in mina pawl hrang hlan aw dingah ziang pawlkom a tha bik ding tiin pawlkom pakhat a hawl thok tiin a sim.

           Cui caan ah Puithiam Dr. Mathew Abraham C.Ss.R. in Camillians pawlkom a theih ter ih Pathian ih remruat nak in Fr. Thomas cu pawlkom dintu St. Camillus de Lellis ih thuanthu a rak siar ih, 2015 ah Puithiam cannak tlawng ah a rak lut.

           Ramtin Catholic cangvaihnak pakhat a simi Bawi Jesuh ih mino pawl (Jesus Youth)  pawlkom khalah cangvaih nak nei in a pe aw ih, Fr. Thomas cu Thrissur Archdiocese ih St. Joseph Biakinn, Punkunnam ah Bishop Andrews Thazhath in Puithiam cannak Ordination a rak pek.

           Camillian pawlkom ih thuluu asimi “Gospel thuthangtha phuang uh, mi damlo pawl tuamhlawm uh” timi vekin Fr. Thomas in a rak pom. “Kan pawlpi ih Khristian Puithiam pawl le biak nak lam hnatuan pawl thawn pehpar in Pathian cu a minung pawl a kawh nak a cawl lo, asinan Pathian ih kawhnak lehrulh lo nak cu tihnungza a cang ter ih, Pawlpi a dodal tu khuavang ih hman mi pakhat a si” tiin Fr. Thomas in SW thuthang ah a rak sim.

           1582 kum August thla ah mi dam lo pawl tuamhlawm tu pawlkom (Camillian) cu rak dinthok a si. St. Camillus cu Pathian duhdawt nak thinlung zate thawn rian tu ding Pathian riantuan pawlkom din dingah forhfial asiih pawlkom ah Puithiam pawl khal, Brother pawl khal an tel thu, Thukam nak pathum hleiah a pali nak thukam nak asimi suan theih nak nat nasa zet in a tuar tu pawl hrang mai nunnak harsat nak hman ziang ah ruat loin pe aw dingah thukam nak la tu pawl an si thu, St. Camillus cu siibawi pawl, nurse pawl, mi damlo pawl le siizung pawl ah hnatuan tu pawl zate ih rinsan mi Mithianghlim pakhat a si. Himi thuthang cu SW thuthang ihsin kan don mi a si.

Photo courtesy of Shalom World

https://bit.ly/3n7VYXN