Catholic Sister pakhat cu Portugal mifim pakhat a rak si dah tiah sim January 01, 2022

Catholic Sister pakhat cu Portugal mifim pakhat a rak si dah tiah sim

January 01, 2022

         A thianghlim zetmi Bawinu’i Thinlung upatnak thuhla a darh rero tu Sr. pakhat cu a hlan ah Portugal thiamsang (mifim) pakhat a rak si dah. Pathian hnenah hlan aw in rian dingih kawhnak a ngahnak cu theihthiam har zet mi tidaan pawl a si. Cu mi sungah thiamsang Sr. Marta Maria da Silva khal a tel. Sr. Maria ih nunram cu  datkhuai khaan (laboratory) ih Sr. tlawngah mangbang zet in Thiang Thlarau a cangvai ih mino pawl lakah tidaan tampi thawn Pathian hnenih a rak thlen ter thei kha a langter.

         Sr. Marta cu 1975 ah Lisbon ah Catholic innsungsang in a rak suak ih a thanglian a thanglian tikah Biaknak lamah a rak zuam lo. Asinan, a kum 23 ah thinlung lam cekfelnak le thlengawknak a rak neih thok thu, cu lai ah Chemical Engineer tindaan a theh zik te. A mah cu thlarau lam thawn pehpar in thlengawknak a rak lak lo nan, a tumtah mi cu Chemical engineer pakhat nunram pakhat si dingah a si thu, fimthiamnak a zir theh hnu ah siivai hnatuannak thawn pumcawmnak a rak tuah ih a suahcem kim hlan te ah a zinzoi duhnak thinlung ruangah biakthawinak pakhat ih a rak tel nak ah a nunram rak thleng ter tu Bawi Jesuh a rak hmufiang ih riantuannak hnatuan pawl le thlacam puai ah a tel tiah an sim.

         Thlaruk a rei hnu ah siivai lam hnatuan in a rak suak ih milai thathnemnak pakhat khat a tuah duh ruangah Portugal lehnak pawlkom, Lisbon Doping laboratory ah mifim pakhat dinhmun in sumpai ngah tam nak ah hnatuan pakhat a rak tuan thu, thil thar pawl tuahnak thawn zamrang ten phorksuak thei dingah nemhngetnak rak cotu a si.

         Asinan, kumriat a rei hnu ah a hnatuannak pawl le zingzoinak a tuahnak ah mipum malte lawng thathnemnak a um ti a rak theih thu, cui caan ah Thiang Thlarau in hna a tuan thok ih 2007 ah Arca de Maria Fraternity congregation ih a danglam zet mi thluasuah in hmaikum ah tel dingin a rak thangphawk thu, 1917 ah Fatima khuapi ih um Tuukhaal nauhak pathum langnak a rak hmuh lai ih Bawinu’i zaangfah a rak dil mi a thianghlim mi upatnak minung pawl ih thei ter dingah a rak si thu, tinkaan a ngah caan ah Marta cu Sr. Lucia Victoria timi Sr. hmin a rak lak ih Brazil ah pawlkom sungih a tel hnu ah Italy ih um mission house  ah an rak kuat ih Bawinu ih rak dil mi a thinlung upatnak ngah dingin rak tuah tu a si.

         Tu ahcun a mah cu Rome khuapi ih um Pontifical University of the Holy Cross ah Moral Theology buaih a zir rero lai thu, Pawlpi hotu pawlkom in congregation ah Pathian thu zirh dingih an dil tikah a mah in a hril ih Brazil ih um Catholic University of Petropolis ah Theology zir dingah scholarship a rak ngah ko nan Rome  ih um Pontifical University ih tel dingah a mai professor pakhat in ruahnak a rak pek tiah an sim.

          Hi thuthang cu SW News ih kan ngah mi a si.

Photo courtesy of Shalom World 

https://bit.ly/3f2nrpx