Falam Khuapi ih Christ The King Biakinn kulhsung ah, MCA Mini Library Onpuai tuah

Falam Khuapi ih Christ The King Biakinn kulhsung ah, MCA Mini Library Onpuai tuah

********************************************

Tuini (Jan 20, 2022), tlawngkai nili ni ah, Falam Khuapi, Christ The King Biakinn kulhsung ah, Missionary Childhood Association (MCA) hmin ih cangvaihnak thawngin mini library onsuak a si. Himi Library onnak cu Siangbawi, Sister, Kohhran upa, Nubu upa, Mino upa, World Vision Organization sungtuan 4 le MCA nauhak pawl thawn sunglawi zetin tuahsuak a si. Hi MCA mini library onnak ah a tanglam vekin caan hmannak an nei:

1. Zinglam nazi 9:00 ah nauhak pawl hrangah Missa sumnak tuah a si.

2. Missa sumnak theh in, library onnak pehcih a si ih, Saya Noel Tluang Bawi ih thlacamnak thawn thok a si.

3. Cu theh ah, Falam Parish hohatu Rev. Fr. Francis Lan Sawn ih ribbon tannak le thluasuah peknak, Library Onpuai hlasaknak, MCA hohatu Sr. Cecilia Maung Cha ih library cangsuakdaan thuanthu tawi le tumtahmi pawl simnak, World Vision Organization tuanvo neitu pawl lam ihsin library hrang ca-uk hlutmi hlanhnak, Kohhran aiawh in Pu Michael Za Siah Bawi ih lungawithu simnak, World Vision lam ihsin tuanvo neitu Area Program Manager Nang Suan Mung ih thucahnak le Rev. Fr. Francis Lan Sawn ih thluasuah peknak …… ti’n caanhman a si.

Cule, Library onpuai tuah theh vete’n MCA nauhak pawl ih domi khohsuai hiltlangnak thawn caan an hmang ti’n thuthang kan dong.

#January202022 #RVAFalamService #LocalNews #TualsungThuthang

https://www.youtube.com/watch?v=QQf8Oaj309s