Pope thawn hoha in tuah mi Bishop pawl pawlkom cu kumtin tuah mi vua caanih retreat tuah nak cu covid nat nak ruangah bal sal nak. January 20, 2022

Pope thawn hoha in tuah mi Bishop pawl pawlkom cu kumtin tuah mi vua caanih retreat tuah nak cu covid nat nak ruangah bal sal nak.

January 20, 2022

            Pope cu covid 19 pulhnat sung thlarua lam retreat tuahnak a hoha tu Bishop pawl pawlkom (Roman Curia) thawn hmunkhat ten pawlkom ding asi lo thu, Pope thawn hoha mi Bishop pawlkom sungtel pawl (Roman Curia) cu vua caan ah a dangten retreat tuah nak hrangah zarhpi ni, March 6 ihsin Marh 11 tiang mah ten program pawl tuah dingah Pope in a rak dil.

            March 9 tlawngkai nithum ih tuah dingmi mipi pawl ton nak telin Poe cu caanserh zaten a thluh ding thu, hmanhman in cun Pope Franicis cu vua caan retreat cu Bishop pawl pawlkom (Roman Curia) thawn ninga rei an tuah theu thu, Pope cu a daih tuk nak ruangah 2020 kum ah a tel thei lo nan retreat tuah nak Rome khuapi nisuahnak thlanglam Alban tlang, Ariccia khuapi ih retreat tuah nak inn ah 2014 ihsin 2020 tiang retreat an tuah.

            Covid 19 ruangah a cang mi pulhnat dinhmun ruangah tuikum ah Ariccia khuapi ah retreat tuah lo ding asi thu thuthang zung ihsin Pope in January 20 ah a suah. Himi retreat tuah nak program a hoha tu Bishop pawl (Roman Curia) thawn a liam zo mi kum 90 hrawngah Pope Pius XI kut sung ihsin a rak thok thu, retreat tuah nak cu Vatican ah tuah asinan 2014 vua caan thok ah Pope Francis in Rome khaupi lengah retreat tuah nak dingah a hril thu, kan dung kum ah Pope Francis in corona virus ruangah vua sung ulhnak cu mahten tuah dingah hoha tu Bishop pawl pawlkom (Roman Curia) khal sawm in a sim.

            Pope thawn hoha mi Bishop pawl pawlkom pakhat ciar hnen anmah pawl ih 2021 vua caan ih retreat tuah nak hrangah thlarau lam siar dingah cauk a rak pek thu, cui cauk cu kum zabi 17 ah hmin theih lomi pakhat in a rak ngan ih, Abbi a cuore il Signore (keep the Lord in your heart) tiin hmin pek mi cauk pakhat asi thu, cumicu a thok ah San Bartolo Italy Puithiam tlawngih Puithiam pawl hrang thlarua nunram tha tha dingah bom dingah ngan mi a si thu,

            Cauk sungah ngan asimi cu minung ih neih mi tha naunak, theih lo nak, tul sam mi, rikhiah mi a cem nak ah Pathian in a lo tong ding. A niam bik mi hmun kha hril asilole nunram in cutawk hmun ah a lo hruai ding. Pathian ih zirh mi vekin tangdornak le thanau nak parah a nung tu pawl cu khaisang nak an ngah ding tiin ngan a si. Himi thuthang cu CAN thuthang ihsin kan don mi a si.

https://bit.ly/3GS1mGb