Pope Francis in a mai khualtlawn daan style a nei tiah sim. (January 23, 2022)

Pope Francis in a mai khualtlawn daan style a nei tiah sim

(January 23, 2022)

          Pope Francis in lamdang zet ih khualtlawn daan a thei ih a hril mi khualtlawn daan le a hril lo mi khualtlawn daan pawl thawn leilungpi tu le tu a rak mangbang ter. 2017 ah Vatican Alaan (Flag) a rong a tel mi a sunglawi hleice ih tuah mi Lamborghini Huracn ti mi hmingthang zet mi mawtaw pakhat a rak ngah nan cui mawtaw to ding ziangtik hman ih a rak tumtah lo vekin mawtaw cu lethmat thu in a rak pawng hnuah Iraq ih um Christian pawl tel in bawmnak a tul tu pawl le Africa ih um zuar a tong mi nauhak pawl le hrem nak a tuar rero tu nunau pawl bawmnak ah sumpai pawl a rak ap.

          2016 ah Mexico ah ninga rei a Tuukhaal khual a tlawn sungih a rak hman mi mawtaw a rak tarlang lai ah khal humhimnak lam ah thinphannak pawl a rak um ko nan thlaalang tel lo mi mawtaw rang Pope Francis in a rak dil tiah an sim.  Pope Francis in mi tampi ih hman mi mawtaw khal a rak hmang. 2016 ah Krakow khuapi ih tuah mi leitlunhuap mino pawl puai ni hmuah ni cu khuasung mawtaw to phah in a rak tel. Cui puai ni a thlen tikah mawtaw zuk bangaw mi rak ap a si ih cui caan ihsin thok in cui mawtaw cu Pope mawtaw tiah nemhnget mi ah mi an theih tam zet.

          Pope cu tangdornak nuntuzia vekin 2017 ah Bangladesh ram ah a mawtaw to lo in cui hmun ih um mi pakhat ih rak ken mi thirleng a rak hril. Rome khuapi ih tu le tu sim vekin lamzin pawl feh lai ah Ford Focus le Fiat 500L tel in Pope in langhngan lo mi mawtaw pawl a rak hmang. Asinan, ziang vek khualtlawn daan hril hman sehla Pope Francis ih a danglam hleice mi a daan in mipi pawl a hiip thei ih mipi pawl ih duhnak a rak ngah ter tiah an sim.

          Hi thuthang  cu Rome Reports thuthang ih kan ngah mi a si.

https://bit.ly/3IBkGbm