For Worth ih Bishop in kaih a tuar tu pawl hrangah thlacam sak dingin zaangfah dil. (January 15, 2022)

For Worth ih Bishop in kaih a tuar tu pawl hrangah thlacam sak dingin zaangfah dil.

(January 15, 2022)

          For Worth ih Bishop in Al Qaeda tuahmawhnak thawn pehpar mi pawlkom ih Jew Biakinn ah kaih a tuar tu pawl hrang thlacam sak dingah zaangfah dil. American Pyithaungsu, Texas ramthen, Fort Worth Bishop Michael Olson in Jew Biakinn ah kaih a tuar tu puhmawh mi pawl zamrang ten luat dingah, thinhar zet mi an innsungsang le Jew pawlkom, tuanvo neitu pawl khal dai ten kaih tuarnak lam a facebook in Catholic Kohhranpi pawl hnenah thlacam a rak dil.

          Kaihtuartu pawl Al Qaeda tuahmawhtu pawlkom thawn pehtlaihnak an nei tiih ruah mi pawlkom ih kan dung Zarhte ni ah kaih an rak tuarnak a si. Cui Jew Biakinn cu Colleyville kiangah a um. Cui thilsual tuahtu cu pakhat lawng a si ih January 15 ah Jew kohhranpi pawl live thawn Biakthawinak an tuah lai ah kaih an rak tuar.

          Thilsual tuahtu cu Biakthawinak a tuahtu pawl sungin (4) cu puh mi ah an rak kai. Kaih tuartu pawl sungin Jew Biaknak lam saya Charlie Cytron-Walker khal a tel. A mah cu kaih tuar tu Aafia Siddiqui ih u a si tiah an sim ih a naunu thlah dingah lole biak ngah dingah zaangfah an dil.  Hi thuthang cu CNA thuthang ih kan ngah mi a si.

Photo courtesy of NCR

https://bit.ly/32NYjQD