Pope Francis cu a khuk a naa ko nan mikhual pawl thawn punghman tongaw dingin a rak zuam. February 03, 2022

Pope Francis cu a khuk a naa ko nan mikhual pawl thawn punghman tongaw dingin a rak zuam.

February 03, 2022

          Pope Francis cu St. Peter tualrawn ah him ten humhimtu pawl thawn an rak tongaw. An mah cu St. Peter tualrawn a kiangkap ih um mi himnak hrangah Vatican ralkap thawn tuah tlang tu Italy ralkap an si.

          Kan dung kumhnih sungah pulhnat ruangah an mah hrangah hnatuan a tam ter. Pope Francis in harhdamnak lam harsatnak sungah cin le daan kilkhawi sak in an zuamnak ruangah a lungawi thu, tui thla pawl ah khawmzawhtu pawl ih dil mi pawl le pulhnat ruangah nemhnget mi hrahdamnak lam cin le daan pawl thawn mipi pawl ih himnak remcang dingin rak kilkhawi theinak, hi sunloih tlak zet mi hmun pawl thawn Vatican ih remdaihnak a keng tu nan thiamnak khal ah ka lungawi tiah Pope in a rak sim.

          Kan dung rei lo te ah Rome khuapi ih um Store dawr pakhat ah Pope a tlawn caan ti vek ah khal humhimnak lam hrangah hi ralkap pawl in tuanvo an nei. Italy ah a tuukhaal khual tlawng tu riantuantu pawl a si lo le Rome khuapi tlawn caan ah zuam zet ih nan tel nak ruangah khal ka lungawi vekin ka lo ngai hai tiah Pope Francis in a rak sim.

          Pope in punghman ih a tel tu pakhat ciar cibai buuk dingah a ding theu ko nan tu ahcun a khuk a nat ruangah a to a tul thu sim in cibai buuk phah in ngaithiam a rak dil.

          Hi thuthang cu Rome Reports thuthang ih kan ngah mi a si.

https://bit.ly/3osJ9YA