Mexico ah Catholic khawmzawh khualtlawng 13 an mawtaw let in nunnak cem (Jan 19, 2022)

Mexico ah Catholic khawmzawh khualtlawng 13 an mawtaw let in nunnak cem (Jan 19, 2022)

            Mexico ram ah January 29 ah Catholic khawmzawh nak mawtaw a let ih mi 13 an nunnak a cem thu Catholic News Agency ihsin an tar lang. Khawmzawh pawl cu Mexico ram Jalisco ramthen, San Juan de los Lagos ih Virgin of la Candelaria zuk ah an feh nak asi thu cui rinlopin thilcang nak ah mi 10 khal hriamhma an ngah thu theih a si.

            1623 ah mangbangza a lang caan ih a rak cang mi cu mangbangza a lang caan ah sualhram nei loin nau a von tu zuk Mexico ram ah kumtin khawmzawh tan 1 luan an ra theu tiin an sim.

Mangbangza thilcang

            Tuah daan kel vekin cui mangbangza tong tu tei ih fanu cu a thil tuah nakah rinlopin a nunnak a cem tikah an nupa an riah a sia ih an fanu cu San Juan ih Biakinn ah an hruai. Biakinn kiltu ih nupi in anmah cu Bawinu Maria hnen thlacam dingah a rak forhfial thu, cunu cu puan thawn an tuam ih a ruak cu Bawinu zuk kiang ih an ret tikah cunu cu a cang ih a dam sal thu, Hi thilcang cu hmun tinkim ah a darh ih Mexico le America ram thenkhat khalah a darh thu zuk cu San Juan de los ih Basilica Minor ah a um thu, January thlacem ah hmun tinkim ih khawmzawh pawl cu zarhkhat rei meisa thawn thilmawi ternak, awnmawi pawl thawn an ra ih an upat thu,

            Mexico Bishop pawl thurelkhawmnak ah “Mexico ramthen Toluca ih khawmzawh pawl thawn khualtlawng pawl ih to mi mawtaw pakhat a let nak ruangah a thi tu pawl ih sungkhat pawl thawn hmunkhat in thlacam nak an tuah thu, January 29 ah thu an suah.“Kan Pa Pathian le Guadalupe hmun ih um mi Bawinu Maria ih thluasuah ngah in lo kilkhawi hram seh” tiin Bishop ih casuah nak thawn a cem ter.

https://bi t.ly/3owoxim