Vatican meisa mittu pawl in St. Peter tualrawn ih um lungphun parih ret mi zawhte pakhat an rak run (February 15, 2022)

Vatican meisa mittu pawl in St. Peter tualrawn ih um lungphun parih ret mi zawhte pakhat an rak run

February 15, 2022

         Khua a van veten khawmzawhtu pawl, zungpihni ih khualtlawngtu pawl ih sim rel theu mi St. Peter tualrawn ah tongawknak ah ruat in an tongawkhawm theu. Cui ni khal ah nitin caan an hman vekin an rak hmang. Cui caan ah thilcang pakhat in cui kiangkap ih umtu pawl ih thinlung a rak hiip vekin mi zapi in an sir an zoh ih pakhat khat hawl vek, hmu vekin an rak zoh ciamco. A si, Mipi a hiip thei tu dinhmun cu a sannak pi (52) ih um Vatican tualrawn ih phun mi lungphun zim ah zawhte pakhat a um ih a tum thiam nawn lo ruangah a aunak a si.

         Zawhte ziangtlukin dawp thiam hman sehla cu vekih a sannak in dawp ding cu tih a nung tuk. Cui hlei ah hramlak zawhte le a si fawn lo. Khuapi vuakvel ih um mi zawhte a si ih cu tlukin a zaang ding maw? Cui zawhte run dingah Vatican meisa mittu pawl an hnatuan a rak tam. Meisa mih tikih hman theu mi thilri pawl, cet pawl thawn an rak run.

         An run ti cu a si ko nan zawhte a tih tuknak ah thukhat, a mah an run ti a theih le a thei ding. Curuangah a kheuh ding tla ralrin a tul. Ruah vek ngaingai in zawhte ol ten naih a ngah lo ngaingai. Kaih khal a theih lo. Meisa mittu pawl an awlawksong theh. Zawhte in meisa mittu pawl ziangah a siar lo. Cui lungphun zim in a kiangkap St. Peter tualrawn a zoh rero. Meisa mittu pawl an buai tuk ruangah khawmzawhtu pawl khal in an hloptlo zet. Hi zawhte in ziang tiin cu tluk ih a sang mi lungphun parah a thleng thei? Ziangah ruangah? Ruah ding a si.

         Hmaisabiknak ah an rak hlawhtling lo ih a veihnihnak ahcun meisa mittu pawl in cranes (mawtaw khainak) pahnih thawn nazi pahnih rei an rak zuam ih kaih duh lo in cui (52) a sannak in him ten a rak dawp. Asinan, a thuai ah khal rin lo pi ih a dawp pang ah tiah siatsuah aw lo dingin a dam pawl thawn an rak timtuah cia. Meisa mittu pawl hrangah siseh, a kiangkap ih um mi mikhual pawl hrangah siseh, rak hloptlo zet mi St. Peter tualrawn ih zawhte kaihnak pakhat ah a rak cang tiah an sim.

         Hi thuthang cu Rome Reports thuthang ih kan ngah mi a si.

https://bit.ly/3BtCNgZ