India ih Catholic Sister pakhat tikhur sungah a thih thu hmu (February 18, 2022)

India ih Catholic Sister pakhat tikhur sungah a thih thu hmu

(February 18, 2022)

              India thlanglam Tamil Nadu ramthen ihsin kum 25 asimi Sister pakhat cu St.Charles college tlawng kiangih tikhur sungah a thih thu February 17 niah hmuh a si. Sister Kausalya Rajendren cu Sisters of St.Charles Borromeo kiang ihsin asiih Vellore Diocese Kottu Pakkam khuate ihsin a suak tu a si. Diocese ih an simnak vekin cui Sister cu ni 16 ni zanlam ihsin a hlo ih a thaisun ah tikhur ah a thih thu an hmu tiin an sim. A rualpi Sister pawl in an hawl ih tikhur ah a kedam a phuang anhmu ih khuami pawl in run dingin an zuam nan an ti thei lo ruangah, netaah palic pawl ko in a ruak cu ni 17 zinglam 6:30 ah an hmuh thu,

              Vellore Diocese ah vuinak Missa an tuah ih, cui Diocese ah mipi tampi thleng in upat nak pein thla an cam sak tiin an sim. A thih nak san cu ralkap pawl in an zingzoi rero nan zianghman an hmuh hrih lo thu a thi tu Sr.kausalya cu a veikhat nak thukam nak a la ih St.Charles college ah math a hrampi college ah a kai rero tu Sister pakhat asivekin innsang ih fanu 3 sungah a pahnih nak fanu asi tiin an sim. Himi thuthang cu RVA thuthang ihsin kan don mi a si.

https://bit.ly/3rZYpyy