Minta (actor) Mark Wahlbery Catholic Puithiam pakhat thu flim zuk (February 10, 2022)

Minta (actor) Mark Wahlbery Catholic Puithiam pakhat thu flim zuk

(February 10, 2022)

              Mark Wahlbery cu tubaite ah Catholic Puithiam pakhat ih “Pathian thawn nel aw zet ih tong awk nak” thawn pehpar in thupi in ruat a tul mi thu a lang te tu flim a si. Mark Wahlbery cu Acedamy laksawng pek nak cazin ah director khal a si. A tu a zuk dingmi Puithiam cu Fr.Atuart Long tiin kawh a siih, mi tampi in duh kawh in Fr. Stu tiin an ko. Amah cu 2014 ah adanglam mi nat nak thawn a nunnak a cem. Amah cu a upat hnu ah Puithiam nunram ah hril a si. Puithiam asi hlan ah amah cu thong awk nak, lemcang nak, thil zir nak, museum pawl ih hnatuan nak cutivek hnatuan pawl a rak tuan. Amah cu Helena Diocese ih Puithiam pakhat tiin 2007 ah Puithiam ordination a ngah. Wahlbery cu himi flim sungah Fr.Stu tiin lem a cang.

              “A tui flim cu thil cang a hman mi zuk mi a si. Asinan a thuhla ngan nak ah zalen nak a um ding ruangah a nunram khal theih cak zet asi ding. Cutivekih ngah nak hman a tawk zo. A tui flim cu a danglam zet tiin Fr.Stu ih a rualpi a kum khal a tam ih, Diocese pakhat ih Fr. Bart Tolleson in a sim. Fr.Stu cu lak lam ah a thiam nal zet mi a si. Amah cu Montama ih Catholic phunsangtlawng Carroll college ah bawling a sit. Asinan culaiah amah cu Catholic mi a si hrih lo. Netalam ah bawling lek nak in thawng awk lam a lek ih 1985 ah Montama ih sui kut hruk nei tu laksawng a ngah. Amah cu Los Angeles khuapi khalah a um ih, lemcang lam khal a tuah. Club pakhat ah hnatuan tu tiin khal siseh, Pasadena ih museum khalah kum reipi hna a tuan. A lemcang nak ding a um asile a hnatuan nak in lemcang nak dingah thirleng thawn a feh theu. Nikhatah a hnatuan nak in a thirleng tahwn a tlung laiah mawtaw ih pah a tuar ih, a cang lamzin ih mawtaw in a lu a khawng ngah thu, lamzin parih a tlak laiah mawtaw pakhat in a par in a rial thu a hmu tu pawl in an sim thu, asinan thi loin hitawk hmun ah ka um tiin 2010 “Montama Catholic” ih thusuhnak ah Fr.Stu in hnihsuah sai phah in a sim.

              Fr.Stu cu siizung ih tuamhlawm asi laiah biaknak lam hmuh ton mi a nei. Siizung ihsin a suak tikah “RCIA”tiih kawh mi “kum upa Catholic mi si dingah zirh nak program” ah hmin cazin a pe. Baptism a ngah niah Catholic Puithiam pakhat a si ding tiin a thei tiin a sim. 2003 ah Puithiam cannak tlawng ah a lut. Ca a zir laiah dam loin a um ih an check ih a kut ah bol a um timi an hmu. Cutiin a taksa sung pawl ah a tum tuk zo ih, a naa pawl a cang thu an hmu. Himi nat nak cu a mal ih a dang lam ruangah dam ter thei ding mi a silo. Cutiin 2014 Puithiam a tuan nak kum 7 ah a nunnak a cem.

              A nat nak cu minung pawl rian dingah a nasa zet mi tha a cang ter. Amah cu cawl lo ten hna a tuan. Pathian in thluasuah tampi a pe. Ruahnak pe in hnem ih thurel tlangnak, Saramentu a sang duh tu pawl hrang a tuah sak. Amah ih a nunnak cu rikhiah in a nung nan a tih lo, a thin a phang lo.

              A tui program cu Wahlbery hrang khalah zum ban lo tlukin bulpak thu tluk in a thupi. Amah in Fr.Stu thu cu 2016 ah Catholic Puithiam pakhat thawn tong aw in a rak thei. Cui Puithia ih nat nak a tuar nak cu a rak ngaih sak. Fr. Stu ih nunram cu ruahsan nak tampi a pe. Ziangruangahtile thihnak, um nuan lo nak cutivek pawl cu pial thei lo dinhmun pawl a si. Kan tong ding. Pakhat a um mi cu ziang tin pah ding. Fr.Stu cu ziangruangah himi pawl a tuar thei. A taksa dinnak cu nitin a tumsuk nain a thlarau lam cu a thangso. A tuar mi nat nak cu Pathian thawn nai ten um dingah thu a cang ter. Himi hmuh ton mi cu midang pawl thawn a hlawm thu, a hlawm ti tikah tih phan nak  phun a silo. Natnak ziangtin pahsuak a tul timi lamzin hlawm nak  a si.

              Wahlbery ih pa khal cancer a tuar rero ruangah a tu Fr.Stu ih nat nak thaten a theih thiam thu, a pa cu a hmuh mi mi pa hmuahhmuah lakah thinlung pacing bik a si. A pa cu lengnei mi to nak thawn lawng a feh tu a si. Feh khal  a feh thei lo. Amah in a kilkhawi thu curuangah ziang tluk in a har timi a thei. A nu khal Fr.Stu ih flim a zuk laiah a thi. Curuangah flim sungah a tuar nak ruangah lemcang nak ah a thinlung a tel deuhdeuh thu, cuihleiah amah ih Catholic mi pakhat ih zumnak khal a mah a kilkhawi thei thu, Pathian hnen ihsin a ngah mi thluasuah pawl ziang tin rulsal ding timi a ruat ringring thu, Pathian in amah kha hivekin harsat a tuar nak cu khui tawk in a ra timi hngilh lo dingah, kan tuanvo, kan tumtah mi ziang vek a si timi khal a zingzoi thu, thlaici vorhin, a kung a kho ter ih a par, a rah pawl a rah ter. Cutivekin Pathian tongkam pawl hlawmsal ding.

              Himi flim zuk theh dingah kum 6 a rei. Ziangruangahtile thuhla ngan tu saya hawl asi ruangah a si. Amah dinhmun in lemcang lam ti asinan a lemcang nak lam tinkim cu Pathian hnen a hlan ih, hlawhtling nak ngah dingah thla a cam theu thu, thuhla ngan tu saya tiin Rosalind Ross kha hril a si. A tui flim cu tong 4 thawn tuah a si. Tong tampi thawn tuah asi nak cu ram tinkim ih zoh thei dingah a si. Kanmah pawl cu kan tlaitluang duh. A tui flim cu biaknak lam hrambun asinan Catholic mi pawl hrang lawngah asilo. Asinan ziangvek biaknak siseh nat nak pawl cu biaknak lam bom nak thawn pah thei nak cu lang ter asi thu, Fr. Stu flim cu 2022, April 15 ah pholang asi ding. Mipi pawl in an zoh duh zet. Himi flim ih zuar dingah khuapi pakhat hnu pakhat, ram then pakhat hnu pakhat ah feh in a pholang duh thu a sim. Himi thuthang cu CNA thuthang ihsin kan don mi a si.

https://bit.ly/359EUKO