British ih thlah mi Jew miphun pawl ih aiawhtu in Pope Francis hnen lungawi thusim (February 20, 2022)

British ih thlah mi Jew miphun pawl ih aiawhtu in Pope Francis hnen lungawi thusim

(February 20, 2022)

         Marie van der Zyl cu British Jew miphun pawlkom ih hotu a si. British ih um Jew miphun pawlkom zaten ai a awh. A mah cu cui dinhun tuan rero tu a pahnihnak nunau a si. A mah cu thuthennak (180) le ram a phunphun ih a um rero tu Jew pawlkom (40) luan in ai-awh tu (300) luan ih hril mi a si. A mah cu cui pawlkom ih tuanvo neitu Michael Wegier thawn Rome ah khual an tlawng ih Pope Francis an va tong dah. Pope thawn an um thu, kum tampi harsat caan rak pahsuak hnu ah Jew miphun le pawlkom cu mithmai pan zet mi Pope thawn an um thu, bawmnak a pek thu le lungawi thu sim dingah a cah mi thuhla thawn nel aw ten an rak biakaw.

         An rak reltlang mi thuhla pawl sungin British ah Jew miphun a hua tu an tam thu, a hleice in 2021 Israel le Palestine lak ih thubuai pawl a um hnu ah hi vek ih a rak tam thu, an mah dinhmun in Pope Francis hnen an lungawi thu, ziangah tile Pope in veikhat ka sim sal ding. Tuahmawhnak le Jew miphun huatnak pawl zaten kan dodal pei uh. Pathian ih hmuihmel a um, mitin ah a um, mi tinkim cu Pathian ih sersiam mi kan si. Curuangah zohman siatsuah awk a ngah lo” tiih a rak sim dah mi parah an lungawi thu, cui hnu ah Jew le Christian lak ih pehtlaihnak a thupit thu le Jew miphun pawl hrangah thla a cam sak ding vekin a mah hrang khal ah thlacam sak dingah zaangfah a rak di.

         Rome khal Jew miphun dokalhnak a cohlang lo tu khuapi pakhat a si. (1943, October) thla ah Nazi pawl in Jew miphun pawl cu an umnak an rinn ih an hruai ih sakhaan pakhat ah an kuat. Asinan, mi tampi cu Jew miphun a si lo mi an rualpi pawl ih inn pawl, Biakinn pawl ih an rek relh ruangah an rak luat. Hrekkhat cu kaih an rak tuar. Sakhaan pakhat ah an hruai ih a tlung sal nawn lo mi Jew miphun pawl hngilh lo nak ah Jew miphun pawl in an inn hmai ah lungto thawn sui rong an phah.

         Hi thuthang cu Rome Reports thuthang ih kan ngah mi a si.

https://bit.ly/3LSAOaW