Milai nunnak man a hlat zia an theih hnu ah nau an rak thlak ruangah nunau hrekkhat an sirawk thu phuang.

Milai nunnak man a hlat zia an theih hnu ah nau an rak thlak ruangah nunau hrekkhat an sirawk thu phuang.

         America ram ah tui kum 2022 kumthok lam ah nauthlaknak dokalhnak cangvaihnak tu le tu an rak tuah. Cui lamzawhnak duhphorhnak cu an khualipi, Washington D.C ah an tuah ih lamzawhnak cu tlun lam hluatdaw hmai ah an rak cawl. Cangvaihnak ih rak tel tu mipi pawl an thek awk hlan te ah a hlan ah nauthlaknak thatho zet in tha pe in a rak bawm ih tu ahcun milai nunnak ih man hlat zia le nauthlaknak theh hnu ih thatlonak pawl, nunau pawl ih caantha pawl dil a theih ti a thei tu nunau 12 hrawng in an sirawk thu an tuarnak pawl mipi theih ah an rak sim.

         A hlan ah nauthlaknak tha pe in an rak lungkim ruangah an sirawk thu, curuangah tu vekin raltha zet in suak ih an sim mi a si thu, ziangah tile kei mah vekin an tuar ko nan a sim ngam lo tu sungah a tuar rero tu pawl an um thu thawn Virginia ramthen, Richmond khuapi ih Leslie Blackwell in CNA thuthang ih thusuh mi ah a rak sim.

         Hi vekih duhphorhnak cu kumtin January 21 ni ah an tuah theu. Blackwell le a rualpi nunau pawl cu a dai zet mi thlatang khuasik tuar phah in nauthlaknak tuah lo dingah le tuah hnu ah thinlung lam ih a tuar rero tu nunau pawl khal thazaang la in pahsuak cio dingah riahsiaza an hmuhton mi pawl an rak hlawm.

         Facebook ihsin nunau thawngza lenglo mi pawl ih nauthlaknak thawn pehpar ih thatlonak pawl an hlawm sal. Mipi pawl hnenah an mai nauthlaknak ih dinhmun pawl sim salnak ah mipa, nunau lam thatlonak pawl an rak tuah mi cu mi theih an duh lo ruangah a si thu, midang pakhat in ralkap a tuan lai ah an sualpi ruangah a si thu, kum 63 a kim zo mi Blackwell cun a hnatuan hrangih a rak tuah thu fiangfai ten a rak sim. Tui san ah naute an duh nawn lo thu, hnatuan pakhat lawng an duh thu rel aw tu le tu theih a si. An sim rel mi pawl cun mi a hloptlo ter zet. A mah in a hnatuan pakhat lawng an neih hnu ah a hrin mi nauhak pahnih theihternak a rak nei.

         Cu vekih tuah hnu neta lam ah a thin a nat thu, thinlung lam beidongnak pawl a cang ih cu mi ruangih a cang mi thatlonak pawl lawng a rak tan thu, hnatuan khal thaten a tuan thei nawn lo thu a rak simfiang. Nauthlaknak ih a cang mi thatlonak nuam ten a rak dam….

         Blacwell cu college netabik kum a kai lai ah nau a pai thu, hmaisabik a rak theih caan ah TV ah thuthantu cang dingin a rak zir lai thu, naute thawn cun a tumtah mi a hnatuan a ngah nawn lo ti mi ruahnak thawn hnatuan thlahphoih a tul thlang ti mi ruahnak in a rak huap thluh. Curuangah nauthlak dingah siizung ah feh in a va tuah.

         Cui hnu ah ziang tinkim a mah kel ih cang mi vekin a rak ruat lawk. Kumkhat a rei hnuah nau a pai sal ih a veihnihnak naute cu a rak thlak sal. Cu vekih a tuah hnu neta lam ah a um daan a nuam thei nawn lo. Ziangah ti khal a thei aw lo. A mah cu nunau covo ngah nak lam ih thatho zettu pakhat a rak si dah. Hi pawlkom cu nunau in nau a lak duh le a la ding. A lak duh lo ahcun nauthlak theinak a nei tiih a dil tu pawl an si. Nauthlak hnu a tlun sal ah a beidong thlang. Siivai pawl a in. Rit theih thil pawl a tham thlang. A hnatuan in khal a rak suak. A nu le pa hnenah a va um sal. Nauthlak hnu thindai ten um thei lonak natnak a tuar tu pawl cu a tha zawng ih dam sak tu programme a thei ih cui damnak lak hnu ah a hlan vekah a rak cang sal. Nuam te ten a reh vivo. Bawi Jesuh thawn a nai deuh thlang. A nunram punghman ten a rak khuasa thei sal.

         A besia zet mi nauthlaktu nunau pakhat in a rak pahsuak mi hmuhtonnak cu fala pawl a rak hlawm sal. Ziangvek dinhmun khal sisehla, minung nunnak run dingah, milai nunnak lawng hril uh. Milai nunnak runnak cu mai nunnak khal runnak a si. Tui san ah nauvontu nunau pawl ih tulsam mi hmuihmel lam le thinlung lam bawmtu programme tampi a um thu, tu ahcun a mah rori khal cu vek tuahtu pawlkom pakhat thawn an tuan thu, nauvontu nunau pakhat dinhmun in mai fate ih nunnak thahnak cu milai bang lo ih tuah mi a si. Nu ih pum cu a thianghlim. A him. Cui a thianghlim mi hmun na siatsuah a si le cui na tuah mi in na thla a lo teem ter ding. Cui thil pawl ruangah damternak lak theh a si ko nan a thlaam dumpi a um rero lai. Kum 42 hrawngih nau a von cu January thla lawngah a rak thei lai. A rak thlak mi naute 2 cu nunau le mipa an si. A fanu te cu “Meridi” tiah hmin an sak ih a fapa te ih hmin cu ‘Timmy’ tiah hmin an sak. An pahnih in Vancungram ih tongaw dingah in hngak rero tu Vancungmi pawl an si.

         Kum 53 a ti mi “Shelli” ti mi nunau pakhat khal in nau a rak thlak ruangah a sirawk thu, cui dinhmun dungah kirsal in lak a ngah nawn lo thu, asinan, a ti thei lai mi pakhat cu tui a fa le pawl fimnak zirh ding a si thu, nauthlaknak cu a then aw mi innsang pawl, a tunghmun lo mi innsang pawl ih a cang tam. Nauthlaknak cu kum 18 kim hnu lawngih a theih thu, kum 20 a kim hlan ah nau a rak von thu, cui nau a von pi mi pa thawn an rem aw lo. Naute pa in neihawk a duh. Asinan, naute nu sawn in innsang neih a duh hrih lo. Curuangah nau a von mi cu thup dingah a rak zuam. Hi tiin nauthlaknak hmun an va thleng. Hi thuhla cu CNA thuthang ah 2022 cui ‘milai nunnak humhimnak’ lamzawhnak thehah a rak sim. Nauthlaknak cu a hrangah tih a nung tuk. Cui hnu ah a cang mi pawl caan reipi tiang a rak tuar.

         Innsang a neih hnu ah fate a nei ih neta lam ah a hlan ih thilcang mi pawl hrangah Pathian thaw thu an rak ron aw sal. Nauthlaknak ruangih a cang mi thatlonak pawl cu tu tiang a tuar ih a dam ter rero lai tiah a sim. Curuangah thei lo in kutrang tuk ih thinlung lam ah natnak a tuar rero tu pawl theih ter a duh mi cu nan hmailam caan a um lai. Bawm ding mi pawl nan hngilh lo. Kan sualnak ruangih nunnrak tiang rak liam tu, lungtho ten in pom tu ding Bawipa a um. Inn sah tlung sal aw. Ngaidamnak la aw’ tiah a rak forhfial.

Ralkap tuantu nunau pawl a bawm rero tu ih hmuhton mi….

         Jody Duffy ih hmuhtonnak harsatnak thuhla thawn a dang aw tuk. Jody Duffy cu ralkap rak tuan dah tu mihlun pakhat a si. A mah cu kum (21) ah nau a rak thlak dah. Ziangah tile an tonawk lai ah a duh lo na cing ih a rak ngah mi naute a si. Nau a von thlang ti a theih can ah nauthlaknak siar lo zianghman a rak ruat thiam lo. Ziangah tile ralkap a tuan lai ih rak cang mi a si. Tu ahcun kum 63 a kim thlang. Nau a rak thlak lai ah zianghman a rak tuar lo nan cu vekih a rak tuah ruangih a cang mi thatlonak cu kum (20) hnu lawnagah a thei sal.

         Curuangah a mah dinhmun in damternak lak a tul ti a thei. A mah khal Rachel ih damternak programme a rak hmu. Neta lam ah ‘Silent No More’ (nauthlaknak thawn pehpar mi ah kaa ciip men nawn hlah) ti mi pawlkom thawn pehtlaih in nau a thlak hnu ah a thin a dai thei lo mi nunau pawl damsaknak, a thupibik in ralkap sungih dinhmun pawl a bawm. Kumdang ah cui pawlkom pawl kom aw in Auxiliary Bishop F. Richard Spencer sawm in Missa raithawinak an rak tuah. Nauthlak ding a um rero tu nunau pawl ruahnak a rak pek mi cu tuah hlan ah to in thaten ruat cat a tul. Thinrang tuk ih tuah lo dingah ruahnak a pek.

        https://bit.ly/3sanW8o