Pulhnat sia le ramkhel lam buainak ruangah mai Parish pawl ih umtu Brother hrekkhat pawl in mirang ca zirhnak nei. (25 February 2022)

Pulhnat sia le ramkhel lam buainak ruangah mai Parish pawl ih umtu Brother hrekkhat pawl in mirang ca zirhnak nei.

(25 February 2022)

         Brother pawl in pulhnat sia le ramkhel lam buainak ruangah Puithiam cannak tlawng pawl an khar ruangah an tindaan bahlah zelzel in mai inn cio ih an umnak kumkhat a luan thlang. Harsatnak a tong rero tu Brother pawl sungin tui tarlang ding mi Brother pawl cu an man caan te ah an khua ih mirang ca zir a duh tu mino pawl man pek tul lo in an zirh rero.

         An mah pawl cu Ayeyawady ramthen le Peinnegone  pawl in an si. Brother pahnih ih hmin cu John Newman le George Eh Tar an si ih Pathein Diocese in an si. Tindaan ah tlawngta (70) luan an um ih Buddhist mino pawl khal an tel.

         Brother pahnih cu Pyin Oo Lwin ah kumhnih sung fimthiamnak an rak zir theh hnu ah Shan ramthen, Taunggyi ih din mi St. Michael thlarau lam Puithiam cannak university ih fimnak zir dingah rak cawltu an si. Covid ral veithumnak ruangah an ong thei hrih lo ih an rak cawl sal. A zir tu pawl cu thinlung thatho zet in an zuam thu, asinan, an kum a tan awk tuk ruangah an thlun thei mi khal a bangawk lo thu, thuak that daan a dang mi pawl khal an zir tlang ruangah a har thu, Brother pahnih an um ih a malbik thenhnih ah then in an zirh thu, an hrangah hi vek caantha ngahnak cu a danglam thu, ziangah tile mirang ca thawn an naihniam thu, ziangahtile zirnak cu a cem ti a um lo ruangah zir deuhdeuh le thiam sinsin a si thu, tu vekih mai tumtah mi pawl zamrang ten an tuah thei lo a si le an thinlung a thleng thei thu an rak sim.

         Brother George Eh Tar khal a thok lam ah tinfinriat ah feh a tul ti a theih tikah harhdamnak le zirnak lam hrangah  a thinnuam lo ih a rak lungkim lo thu, zirhnak lam ah hmuhton mi a neih lo thu, hmuhton mi a neih thlang tikah a remcang ih a thinharnak khal a rak demdeuh tiah a rak sim.

         Tifinriat Parish ih Parish Puithiam, Fr. Patrick Zaw Lin Thant khal in santhar mino pawl tha deuh dingin tuah a tul. Mino thiamnak an neih thu, an thiam nak pawl khal a khaisan sak thu, hi fimthiamnak English tindaan khal a rak thok thu, an mai zir duhnak parah a lungsi thu, an mah mirang ca zirh mi a si. Kilkip in hmuhdaan tindaan pawl khal an zirh thu a rak sim.

         Assistant Puithiam Fr. Syvester Kyaw Min Htay khal in hi dinhmun cu mino pawl hrangah mirang ca zir dingah caantha a si thu, tindaan kaitu sungin Yawng Shew Ting ti mi mino pakhat in hi tindaan a kai ngah ruangah a lungawi thuk, thathnemnak a um thu, a hlan hnak in mirang tong tong thei, ngan thei, siar thei in a theih thiam thlang thu, Kohhranpi innsang nu pakhat a si mi Patricia khal in Puithiam pawl, Brother pawl ih zuamnak ruangah lungawi in a upat thu, asinan, a fanu a kai thei lo ruangah a thinnuam lo thu, Parish Puithiam in mino pawl hrangih a zuam saknak parah a lawm thu, a fanu cu dawr a tuah ih thil a zuar ruangih a tel thei lo ruangah a thinlung sungih um mi a rak sim tiah an sim.

         Hi mi thuthang cu RVA thuthang ih kan ngah mi a si.

https://bit.ly/3IBfMvb