Pope Francis ih fimthiamnak zirnak dingih sumpai a bom nak thawn tlawngta 150 cu an ram in suak dingah tul lo dingin a bawm thei. (February 24, 2022)

Pope Francis ih fimthiamnak zirnak dingih sumpai a bom nak thawn tlawngta 150 cu an ram in suak dingah tul lo dingin a bawm thei.

(February 24, 2022)

              Pope Francis Iraq ah Tuu khal khualtlawnnak a neih pek te ah bom a tul mi Kohhran ram pawl a bawm tu Aid to the Church in Need (ACN) pawlkom le Erbil Catholic college thawn kom aw in tlawngta mino pawl hrang ram sung fimthiamnak zir thei dingah tuahsak dingah program a tuah. Iraq tlawngta mino pawl cu Muslim ruahsan luar pawl ih siatsuah mi fimthiam nak ruangah ramsung ah fimthiam nak zir peh thei dingah dinhmun um lo rori tiang a cang. Hmailam ruahsannak um lo mi kha dinsak dingah a si.

              Covid ruang khalah harsat nak tampi karlak ihsin 2022 fimzir nak kum ih a tum khat nak tiin an thok zo. Pope Francis ih bom mi sumpai cu dollar 1.7 tan thawn a thok. Cumi zat thawn tlawngta 150 cu kum 4 sung diah a bom thei ih, Christian tlawngta zatek 90 bom a si ding. A tum khat nak ah tlawngta 128 lak ah Christian 113 an tel ih, 12 cu Yazidi biaknak, 3 cu Muslim pawl an si. Nineveh Plains ih nunau 12 pawl ih tul mi ruang khalah tlawng ah um in in le ei pawl khal an tuah sak. An zaten tluk in an suah nak ram ihsin 2014, Muslim ruahnak luar pawl ih tuah nak ruangah tidaan a phunphun in a tlan tu mino pawl an si. ACN pawlkom le ACN Catholic phunsangtlawng pawl ih timtuah sak nak thawn Iraq ih Christian pawl le a dang biaknak malte pawl ih hmailam dinsak dingah a si.

              ACN phunsangtlawng dinhmun in tlawngta pawl cu mai ram, innsang tansan in ram dang ah an tlan a tul lo. A tha mi fimthiam nak pe in an fa le pawl cu hmailam ah hna tha ngah in, Iraq ram dinsal thei asi timi theih nak cu nu pa pawl theithiamter duh a si thu phunsangtlawng din asinak cu mah rori tel in tha a pe tu Archbishop Bashar Warda in a sim fiang. A tha mi fimthiamnak ngah asile mai ram suahsan ding asilo. Cuvekin cangter dingah ACN in theih tawk in an tuah sak. A tu ah mino pawl a tha mi fimthiamnak pe in zuam ding caan asi tiin ACN ih tuanvo nei tu Thomas Heine-Geldern in a sim. Himi program cu 2021 ah an thok. Phunsangtlawng cu 2015 ah din a si. A tu ah kum 4 kom in tlangta 280 lawng an um. Himi tlangih thil thiam nak, siivai lam tuah nak science lam fimthiam nak pek asiih, hmaikum ah English le siivai tuahnak lam ah khaisang in ong ding a si tiin an sim. Himi thuthang cu RVA thuthang ihsin kan don mi a si.

https://bit.ly/3Kg8i1p