Mother Teresa  Sister pawl in Superior general thar hrilnak nei. (March 13, 2022)

Mother Teresa  Sister pawl in Superior general thar hrilnak nei. (March 13, 2022)

             Nobel Suh ngahtu Calcutta ih St. Mother Teresa din  mi Missionaries of Charity Congregation in Sister M Joseph cu superior general ah an hril suak. March 13, 2022, ni ah India nisuahnak lam ih Kolkata ih mother house ah missionaries of Charity  hrambun ih tidaan theu vekin an hril suak a si. Hi mi hlanih a rak tuantu cu Sister Mary Prema (Pierick) a si ih kan dung kum 13 lai ihsin a rak tuan tu asi. Sister  Joseph cu India thlanglam Kerala ramthenah superior tuan rero lai tu a si. An hril mi member sungtel general councilor pawl cu sr. Chritine, Sr Cecile, Sr Maria Juan le Sr Patrick pawl tla an si. Albinian mi mother Teresa in India nisuahnak lam ih Calcutta Archdiocese ah 1950 ih  a rak din suah mi a si.

           Anunnak a cem zotu sister Nirmala Joshi in 1997- 2009 tiang  superior general a rak tuan ih Sister Mary Prema in March 13, 2022 in a tu an thlengawk tiang a rak tuan a si. Kum 1952 in India a cozah in mifarah pawl hrang inn sak theinak an pek. Cuihnu ah pawlkom pawl cu inn zalenglo a karh ih Sister, Siangbawi , Brother pawl le pawlkom sungah mipum khal tampi a rak thang a si. Mipum 4500 hnakih tam in hngaktah tlawng, AIDS nursing inn, mivai harsa pawl, mitcaw pawl, kut le ke kim lo pawl, kum upa pawl, rit theih sii tham pawl, farah harsa pawl, tilian ruangih inn le lo nei lo pawl, natsuan a tuartu pawl le rilrawng pawl an bawmih an tuamhlawm a si. Mother Teresa ih hnatuannak cu leilungpi ah hminthang zet ah a cang. Amah cu 1997 September ah a nunnak a cem ih Pope Francis in 2016 ah Mithianghlim tin a ngamhnget a si.

https://bit.ly/3i7rmD0