Ukraine ram ih Kyiv khuapi ih Puithiam pakhat ca pakhat kuat (March 9, 2022)

Ukraine ram ih Kyiv khuapi ih Puithiam pakhat ca pakhat kuat

(March 9, 2022)

              Ca sungah Ukraine ram ih mipi pawl ziangtluk in harsat an tuar timi langsar dingin a ngan. Cutiin a hrampi hman tul mi pawl siangzet in nunnak hrang tih a nung nan raltha zet in a zem tu pawl thu khal a ngan. Himi ca cu zo a ti duh dan timi cu a unau, Puithiam pawl le Sister pawl an si. Amah cu Dominican Puithiam pakhat a si. Ca cu a tuvekin an thok.

Duhdawt mi ulenau pawl

              Lungawi nak thawn ka ngan thok ding. Dominican pawlkom sungtel le mi menmen mipi pawl komkhawm in a kilkhawi tu St. Martin de paul nulepa nei lo um nak inn Russia ih do a si thok ihsin raltlan pawl, hriamhma ngah tu pawl hrangah colh nak hmun a si. Hi tawk hmun hmasabik a thleng tu nunau pakhat cu a tu ahcun Poland ah himten a thleng zo. Amah cu Hostomel ihsin a si. Khuapi thawn 12km hrawng lawng asimi khuapi a si. A fanu Victoria le a fapa cu khuapi sungih an um thu kan dung te ah ka sim. Russia ramri ih kan unau Poland pawl vekin pakhat khat rel asile meithal thwn na kaa maw, na awm tiin an ti, Russia mipa pakhat in “kei cu Russia mi ka si. Russia cozah in a tuvek ih mi nautat nak cu ka rak ning zak. Ukraine khuapi thawn 12km hrawng lawng a hla mi Hostomel khuapi cu Russia ralkap pawl an um. Cutawk hmun ih a ummi mipi pawl cu an thin a phang. Ka fanu khal cutawk ah aum tiin Russia cozah ih tuahtuan nak a duh lo thu a sim. Cutiin cu tawk hmun ih a um mi mipi pawl cu an thin phang. Ukraine khuapi tampi cu cuvek hlir an si.

              Hivek thilcang pawl cu ni ni khat ahcun cauk sah pi asi dingmi thil a si. St. Matin de Paul inn cu raltlan pawl ih mitthli hul ter nak hmun a si. Nel mi pawl thawn pehtlaih nak um lo ruangah riahsia in ruahsan mi hmun, remdai in, mai inn tlung dingah hngak nak hmun a si. Ukraine le Poland ram ih mi pawl khal a tuvek harsat caan ah an bawm. Nitin in harsat tuar pawl a khat in phur tu mawtaw pawl kan biakinn ihsin a him nak ah an feh. Thenkhat ni ahcun mawtaw 2 hman an feh. Cumi mawtaw3 in kan ei ding rawl, siivai in pe. An hnen ah lukuun in lungawi thu ka sim duh. Ziangruangahtile harsat a tuar rero mi mipi pawl hnen mawtaw fate, tum thawn a phunphun in feh in an bawm. Cumi sungah Puithiam pawl, Sister pawl an tel. An zoh mi Parish sungih mipi pawl kom khawm in an thi thei tawk in an bawm.

              Tuini ka hnen khalah ka unau a si mi Fr.Valentine le Fr.Vyacheslav pawl in an Pathian riantuan nak Dunaivtsi ihsin ei ding tampi thawn an thleng. Himi pawl zaten cu Mother Theresa Sister pawl an zem ih an kilkhawi mi inn le lo nei lo pawl, harsa pawl an pe ter. Dominican pawlkom in anmah pawl zarhkhat ah nihnih Missa tuahsak nak kum tampi a rei zo. Missa cu mirang tong ih tuah a tam. Ziangruangahtile Sister pawl cu ram a phunphun in an si.

              Warsaw khalin thilri pawl kuat mi a ngah. Fr.Peter hnen khalin laksawng ngah a si. Amah cu Ukraine ah kum tampi Pathian rian a tuan. Anih khal Ukraine a duh zet. A tui lai cu thilri pawl mi a phunphun, pawlkom a phunphun hnen ihsin a thleng. A tu cu tulai ih mi raltha an si. Ziangruangahtile ralbuai nak ah fehin bom tul pawl an bawm. Ziangtluk in an pumpe ti asile a tu an feh nak lamzin cu an tlun lam ah an phit thei dinhmun, lilawn pawl khal bung puak in a siat thei timi thei cing in an feh. Meithal thawn kap ding ti the icing khalin bawm dingah run ding ah an feh. Cuvekih an feh nak cu anai khal a nai lo. Nazi tilai feh a si. Thenkhat hmun pawl cu nikhat sung feh a si. A hlat tuk ruangah asilo. Lilawn siat tivek, mawtaw feh nak sau tuk nak, chck nak gate a tam tuk nak, datsi thun nak tivek pawl khal a tel. A tui theih mi cu ralbuainak a cang ti asile do dingah ralkap lawng an si lo. Dunglam ah mipi pawl khal a tul timi thuhman theih a si. Ralkap pawl in kilhim nak hna an tuan laiah mipi pawl in khatlekhat ei ding, siivai an pe. A tul asile hmun thawn nak khalah bom in an thlah. Ralkap pawl rampi an kilhim caan ah innsang hrang khal an ruah ruangah an thin a sau lo tla a si thei. Atuvekih mipi khat le khat bom in annih khal innsang hrang mangbang a tul nawn lo.

              Cutheh in march 8 ni cu “leitlun nunau pawl ni” a si. Ukraine in cui ni cu colhni tiin an nemhnget. Nunau pawl sunloih nak in pe dingah Europe thal ih a par mi Tulip pangpar khal khuapi ih dawr tinkim ah hmuh a si. Supermarket khalah ralkap pakhat hmuh a si. Chocolate bawm 5 a keng. Cumicu a kuttang ih um nunau pawl pek dingah a si ding. Kei cu pangpar tivek ka lei tuk lo. Curuangah ralbuai hlan ah ziangzat a si ding ti ka thei lo nan ralbuainak a cang sung thilman a thang ding cu theih cia a si. Kannih khal Tulip pangpar par 12 kan lei. Ziangruangahtile kan hnen ih a um mi nunau pawl cu kanmah le anmah ih um nak cu ziangtluk in a thupi, ziangtluk in a tul timi thei dingah a si. Pangpar zuar tu khalin ma number pe lo ding. Sung number pe ding tiin a zuar duh ruangah maw, san a nei ruangah maw ka thei lo in sim. A tui lei mi pangpar cu inn ih ret dingah asilo. Nunau aiawh dingah timi cu theih a si. Pangpar par 12 kan lei.

              Kan san ih a dang mi raltha pawl cu ka hmuh nak ahcun nunau pawl an si. Mini ah mina pawl hrangah a tul mi siilei dingah a tlar ih a um mi mipi pawl thawn ka ding. Ka von mang mi cu siidawr ah dawr sungah siivai lam a thiam nal mi mino pakhat lawng hnatuan a buai. Sii leitu pawl khal thinsau zet in a pe. Sii lei tu pawl ih duh mi thenkhat sii a um lo. Asinan a dang sii ih a aiawh thei thu a sim fiang. Amah cu cuvek khal tuah phah in phone a ra asile phone khal a biak phah. Ka zoh ih ka thin a sau nawn lo. Ka caan a kim ih sii ka lei theh ah ka ken cia mi chocolate ei aw ka tiih a  mang a bang tuk ih ziangah in ei ter tiin in sut. Ka sim fiang. Amah hi hi dawr ah um lo sehla ka lei duh mi sii ka ngah lo ding. A dang dawr an phit theh. Caan menmen ah hnatuan menmen tiin ruah mi hnatuan pawl a tuvekih thupit caan ah a thupi taktak mi hnatuan a si tiin khal ka thei thiam.

              Mani ah tlangleng thawn Budapest khal ka feh. Zanlam 4 hrawng a si zo. Lamzin tluan khal zo hman an um lo. A thing zet. Leitang ahcun mi an thing lo. Cutawkah thenkhat cu ihphah thawn mi feh nak ah an it. Thenkhat cu ca an siar. Duh aw mi mino pawl cu an duh mi thawn kut kai aw in an feh. Innsang pahnih cu an ding. An fale pawl cu thinphang nei loin an lek. Cartoon pawl tla phar ah an ben. Zanlam ah tlangleng colhnak leitang ah mi pawl an tam theu. Atui ka ruah mi cu himi pawl mizan ziangtin an um ding. Ziangruangahtile mizan ah hitawk hmun thawn a hlat lemlo nak hmun ah aw ring zet a puak mi theih a si. Cuvekin Fr. Peter (himi cangan tu thawn a ummi Puithiam)in punghman online insin a pek theu mi Gospel thuzir nak khal a pe duh. St. Thomas tlawng ih tlawngta pawl khal thungai dingah an phur zet. A tha zet mi ruahnak a si.

              Kan dung nihnih hrawngah “mi bawm ringring tu Bawinu” ih buaih hmin pakhat ka von ruat. Cumicu “Lebanon hmunih sidar thing hnakin a mawi mi Maria, Bawinu kan lo dil” tiin a si. Tuini khal nunau pawl sunloih nak zung pit ni asi lo maw? Lungawi zet in cibai buk in thlacam ka lo dil. Himi thuthang cu Aleteia thuthang ihsin kan don mi a si.

Cangan tu Fr. Joroslaw Krawice OP, Kyiv

March 2, 2022

Ngan theh caan 4:35pm

https://bit.ly/3Jbv2zo