Sister pawl in an mai tlawng 1,000 cu Ukraine raltlan miharsa pawl hrang saangkaa on sak. ( Marc 15, 2022 )

Sister pawl in an mai tlawng 1,000 cu Ukraine raltlan miharsa pawl hrang saangkaa on sak

(Marc 15, 2022)

         Ukraine le Poland ih religious Sr. pawl in an tlawng pawl cu ralbuainak a tongtu pawl hrangah an rak ong. Russia in Ukraine ram a do ruangah mai inn le lo tansan tu pawl a bawm rero tu Poland le Ukraine ram ih Sr. pawl cu a tlangpi in an tlawng 1,000 luan a um. Poland ah 924 le Ukraine ah 98 a um ih Sister pawl in thlarau lam, thinlung lam, siivai le a tul sam mi bawmnak pawl cu ralbuainak a tong rero tu mipi pawl an bawm tiin tlawngkai nihnih ni ah Poland ram ih the Council of Major Superiors of Congregation of Women Relogious in a tarlang.

         Russia ih a do thok ihsin Poland le Ukraine ram ih Catholic Sr. tlawng 150 zikte in humhimnak le bawmnak a tul tu pawl an bawm rero. Poland ah 498 a um ih Ukraine ram ih Sr. tlawng 7 in mi harsa pawl umnak inn ah an bawm rero. Cu mi ih ti duh san cu nauhak 3,000 le mino pawl tel in a mal bik innsang 2,400 cu an tlawngah an beu ter. A dang Sr. tlawng 64 ah 420 in naute pawl le an nu le pawl 3,000 hrawng a himnak hmun ih an um ter laiah nu le pa nei lo mi nauhak 600 an hmu tiah an sim bet.

Sr. pawl in milai bawmnak tuah

         Sister pawl in bawmnak le timtuahnak tel in ei in, harhamnak lam ih a tul sam mi pawl, sinphen le puan pawl an zem.  An mah cu ralbuainak a cannak hmun ih mipi pawl a himnak hmun ih kuatnak, Poland ram ih mi harsa pawl hnatuan hawl sak nak le an mai umnak Center cio ah hnatuan thar pawl tuah saknak ah an cangvai. Miharsa pawl bawmnak, Poland tlawng pawl ah Ukraine ram ih nauhak pawl bawmnak, tong lehsaknak, nauhak pawl cazirhnak le a hleice in kum upa pawl le kut ke kim lo mi pawl bawmnak ah an mah le an mah an ap aw.

          A dang Sister tlawng pawl ih an tuah bet mi cu sumpai hlutnak le an foundation pawl ah sumpai hawlnak an tuah. A tlangpi in Poland ih the Council of Major Superiors of Women’s Religious Congregation ih an tarlang mi vek a si le Ukraine ram ih Poland Congregation Sr. 330 luan an um.

         Hi thuthang cu Vatican thuthang ih kan ngah mi a si.

https://bit.ly/3wfqvIv