Russia le Ukraine thu ah Vatican in remnak tuah dingah man cia (March 13, 2022)

Russia le Ukraine thu ah Vatican in remnak tuah dingah man cia

(March 13, 2022)

Vatican ih secretary asi mi Cardinal Pietro Parolin in Vatican dinhmun in Russia ih Ukraine a do nak cawl in remdaihnak tuah sak dingah an ti thei tawk lam in bawm dingah an man cia thu, Pope Francis in Pathian hmin in a tui raldo nak cawl dingin a tul thu zaangfah a dil hnu ah a sim. Cardinal cu a liam zo mi ni pawlah Russia ramdang Prime Minister Sergej Lavrov thawn an biak awk thu von mang phahin Russia cu Vatican dilnak a thei nan cui dilnak cu a hlawhtling tiin ti thei dingah  tui tiang an ruah nak thleng nak hmuh asi hrih lo.

              Vatican ih dil mi cu cohlang le cohlang lo a thu pi lo. A thupi mi cu atui a cang rero mi ralbuainak cawl dingah a si. Tuahtuan nak ngaingai pawl um in, a tha mi ngah ding lawng a tul. Khat lam khalah Pawlpi in theihtawk in a tuah sak rero thu, tahthimnak ah Pope cu tuletu remdaihnak hrang thlacam sak nak, mawhnei lo mipi pawl thawn tuar tlang in dinpi nak, Ukraine ram ih Vatican ram palai thawn pelh loin peh tlaih nak a um thu, cutivekin dil mi pawl, duhphorh nak khal tuletu tuah ding a tul thu, kan dung zarhpi ni khalah Pope cu Angelus thlacam thehah khawmzawh pawl hnen ralbuainak cawl dingah thlacam sak dingah a cah.

Russia ram khalah a tui a cang mi ralbuainak dokalh nak duhphorh nak cangvaih nak tampi a um thu, himi thu cu ruahsan nak ih hmuhsak nak a si thu, Cardinal dinhmun in Pope ih a hnget ih remdaih nak hrang dungsip loin zuamnak ruangah a di a riam thu, himi ralbuainak ruangah kan zaten khal nat kan tuar thu le himi ralbuainak cu thuhla dik tak a um lo mi ralbuainak a si thu a sim. Himi thuthang cu Vatican thuthang ihsin kan don mi a si.  

https://bit.ly/3q713kO