Ukraine le Russia hrangah Vatican radio line an than (March 16, 2022)

Ukraine le Russia hrangah Vatican radio line an than

(March 16, 2022)

              March 21, tlangkai nikhat ihsin thokin Vatican radio aw thlah nak zung ihsin Ukraine le Russia hrangah line an than ding. Hmanhman in cun Ukraine le Russia tong thawn nitin zinglam veikhat, zanlam veikhat an thlah theu. Tuitum program ruangah Russia ram ih khuapi Moscow le Ukraine khuapi Kyiv ah an thlah rero mi a hlan caan hnakin lung minute 30 an than ding a si. A tui thu botcat nak cu tuanvo nei tu zate ih lungkim nak thawn an than nak a si. Ziangruangahtile a cang rero mi ral buainak ruangah thlarau lam, nunphung, mi zangfah bomnak pawl thawn pehpar mi tul mi pawl tlingtlak zet in thuthang pawl pek thei nak, Poep ih thazang peknak tong pawl le thlacamnak pawl than in thlah in tha pe dingah a si.

              Radio aw thlah nak ihsin leiram thuthang pawl thlah thei dingah bomnak pawl a um thu, cutivekin ralbuainak ruangah thin lung naa, nat nak a phunphun a tuar tu pawl hnen tha pe in hnem nak pek theih a si thu, Vatican radio cu tong phun 51 thawn an suah thu, ziangruangahtile hngilh tuar, hnon tuar, mah lawng pak lo dingah timtuah in thlacam nak ih thil ti thei nak khal co dingah a si thu Vatican aw thlah nak zung ih tuanvo nei tu in a sim. Atui suah dingmi program cu March 21 ihsin March 26 tiang a tanglam line ihsin than in an thlah ding.

Russian, CET 06:00-06:20,UTC 05:00-05:20, 7260 kHz,9515kHz

Ukrainian, CET 06:20-06:20,UTC 05:20-05:40, 7260 kHz,9515kHz

From Sunday, 27 March

Russian, CET 7:00-07:20,UTC 05:00-05:20, 7260 kHz,9515kHz

Ukrainian, CET 06:40-07:00,UTC 45:40-05:00, 7260 kHz,9515kHz

Himi thuthang cu Vatican thuthang ihsin kan don mi a si.

https://bit.ly/34T5bgN