Kawlram Jesuit Puithiam pawl ih hotu ah India ram in thlah (16 March 2022)

Kawlram Jesuit Puithiam pawl ih hotu ah India ram in thlah

(16 March 2022)

         Kawlram Jesuit Puithiam pawl ih hotu ah India ram ih thlah mi Puithiam cu Girish Santiago a si. Tui tum ah Myitgyina Diocese ah rian a tuan rero ih rei lo te ah Yangon ah a thawn dingih rian a ruan ding. A mah cu Biaknak tinkim thawn thureltlangnak le Christian pawl khat le khat tonawknak tu le tu a tuah theu. March 12, zaanlam cibai buuk raw lei tlangnak ah tu vekin a thawn ko nan pehtlaihnak a neih ringring ding thu, a bawm ringring ding thu a rak sim.

         A mah cu Myitgyina Diocese ah 2017 ihsin thok in Diocese ih din mi St. Luke tindaan ah rian tuan rero tu a si. Cui tindaan ah Catholic Pawlpi ih nunphung lam thuzirhnak, thuhla rem ten pehtlaih ih thuruah thiamnak le Pathian thusim daan thiamnak pawl a zirh. A mah cu tindaan tlawng le Pulpit sak dingah a tul mi sumpai pawl bawmnak ngah dingin a hawl bawm. Tindaan tlawng khaisang thei dingah a rak bawm. Hnatuantu pawl ih thiamnak nemhngetnak, tindaan kaitu pawl cohlang daan pawl, mipa, nunau Boader pawl ih pawlkom daan pawl a rak rem sal. Puithiam cu mirang ca a neh lo tu pawl, raltlan mi pawl khal an umnak hmun ah feh in mirang ca zirhtu a si.

         A mah cu Diocese sungih Bishop, Puithiam pawl, Sr. pawl, Pathian riantuantu pawl le Kohhran mipi pawl ih thlarau lam le nunphung lam Tuukhaal hnatuan daan pawl khal a zirh theu. India ram mi a si ko nan Kachin tong thiam zet in a zir. A mah in ‘St. Ignatius hnenih thlacamnak Novena le Kachin tong zir cio uh si’ tiih hmin pek mi ca uk pahnih khal Kachin tong in a suah.

        A mah cu a thin a sau thu, nel a ol thu, midang a duhdawt thu, curuangah Kachin tong thawn ca uk pahnih a suah theinak thuhla thawn Fr. Peter Awng Gam in sunloihnak tongkam a rak sim.

         Hi thuthang cu RVA thuthang ih kan ngah mi a si.

https://bit.ly/3iixsjI