Pathian a zum lo tu dinhmun in Catholic Puithiam cang

Pathian a zum lo tu dinhmun in Catholic Puithiam cang

              Pathian a zum lo tu tiin a suak ih a thanglian hnu Catholic mi pakhat asi lawng siloin Catholic pakhat a cang tu cu Fr.John tiin ko in, a innsang hmin kim cu John Bartunek a si. Pathian thawn pehpar in a hrang ih a thar nak cu amah rori thamal nak ruangah a silo. Innsang a kai hruai tu a pa cu a fa le pawl a nauhak lai ihsin thokin ziangvek biaknak thawn khal pehtlaih aw lo dingah ralrin nak a pek theu.

 A nauhak lai nunram ah nupa ih thil ti mi a el ngam lo ruangah daiten a um. Kum hra a luan hnu ah nupa thu el duh ruangah a silo. Thinlung sung ih thangphok nak thlun in biak nak thu ih tul mi, a duh mi a thlun. Cutiin Khristian thu cu a naunu ih sayamah hnen ihsin a thei thok. Amah cu Pathian zumtu asilo nan Biakinn ih choir hlasak tu pawlkom pawl fehnak ah a thlun.

              Netaah amah rori Khristian tiin pom aw in choir pawlkom pawl thawn hla a sak. A tlawngkai nak khalah history professor cu Pathian a zum lo tu a si. Professor thawn khal biaknak lam zumnak thawn pehpar aw in thu an rel tlang theu. Cui thu an rel nak ih a theih mi cu biaknak thu zingzoi ding asile biaknak (2) cu amai dinhmun in a sim duh thu, cumi pahnih cu (1) Jew biak nak le (2) Catholic Khristian a si thu a hnen ah a ruah nak a rak pek.

Amah cu Italy ram ah reipi a um ih amah cu Catholic mi tiin a pom aw. Cuihnuah Catholic Puithiam si dingah pehbet in zir dingmi fimthiam nak pawl a zir ih, 2003 ah kumkhua Puithiam sinak a ngah. Amah cu “Inside the Passion” timi cauk pakhat a ngan. Cui cauk cu “The Passion of the Christ” flim tiin zuk mi a hrampi cauk a si.

https://yhoo.it/36MwY2Z