Pope Francis Ukraine ah tlawng ding tiin Ukraine ih Archbishop in ruahsannak nei. (April 04, 2022)

Pope Francis Ukraine ah tlawng ding tiin Ukraine ih Archbishop in ruahsannak nei. (April 04, 2022)

         Ukraine ih Catholic Archbishop Sviatoslav Shevchuk in Pope Francis dinhmun in Ukraine ah zamrang thei tawk ih tlawng dingah ruahsannak a neih thu cu Pope Francis ih Malta ihsin a tlunnak vanzam parah thuthang latu pawl hnenih a rak sim mi parah ruahsannak an neih thu a rak sim bet. Ralbuainak ruangah a tlu sia rero mi Ukraine ram ah an tul tuk ih feh dingah an tul tuk a si le feh dingah Pope khal in a duh. Archbishop ih secretary in April 04 ah Archbishop in Pope ih khualtlawnnak cang suak thei dingah tongaw khawm in an timtuah rero thu tla a tel.

         Tui thlathok hrawngah Ukraine ram hrangah Vatican ih ai-awhtu a si mi Archbishop Visvaldas Kulbokas in Ukraine ah Pope thlennak, thlen lonak cu Pope in a ruah rero lai thu EWTN, Catholic thuthang zungah a rak sim. Asinan, tu vekih Russia ih donak nasa zet caan ah mipi pumkhawm awknak tuah ding cu dinhmun in a pek tuk lo thu, Ukraine ram ih President Volodymyr Zalenskyy in kan dung March 22 ah phone thawn an biakawk lai ah a mah rori ih a rak sawm thu, Pope khal in a thupi zet mi khualtlawnnak cu dinhmun a phunphun ih a ruah hnu ah tim a tuah ding tiih ruahsannak a neih thu a rak sim.

         Ukraine ram cu Europe ram pawl sungin leilungpi thlir a si le a pahnihnak ih kaubik a si ih Russia cu a kaubik. Ram sungah nisuahnak lam Orthodox Christian an tambik. Ukraine Greek Orthodox (nisuahnak lam tidaan hmang mi Catholic) kohhran mipi pahnihnak ih tambik an si ih Latin tidaan (kan mah thawn bang aw mi Catholic) a hmang mi Catholic pawl khal an um.

         Cui hlei ah Armenian tidaan hmang tu Catholic Christian pawl khal anum. Ukraine ih Archbishop in tu vekih ralbuainak nasa zet caan ah Pope a tlawn taktak a si le remdaihnak duhsan ih tlawnnak a si. Pope thlennak cu tlaitluang ten ka hngakhlap rero ding tiah a rak sim.

         Hi thuthang cu CNA thuthang ih kan ngah mi a si.

https://bit.ly/3KbeFDB