‘Milai covo siatsuahnak cu remdaihnak hringhronak a si’ tiah Vatican in sim 31 March, 2022

‘Milai covo siatsuahnak cu remdaihnak hringhronak a si’ tiah Vatican in sim

31 March, 2022

             ‘Ram tinkim ih remdaihnak lam a tlangpi ret mi cu ralkap tha parah hram a bun lo. Leilungpi dinhmun in upat mi milai covo le hramthok zalennak upatnak parah a bun aw’ tiin Vatican ih kumkhua zohthatnak lam ih tuanvo neitu Msgr. Janusz Urbanczyk in tui hlan zarhkhat, Marh (28-29) ih tuah mi Europe humhimnak lam pawlkom ih thureltlangnak hmaisa lam ah a rak sim.

            Ralbuai caan ah ram tinkim thawn pehpar mi milai khat le khat humhim saktu upadi daan le milai caantha hrekkhat siatsuahnak pawl demdeuh dingah ram tinkim thawn pehpar mi pawlkom pawl in ziangtin in tuah sak thei ding ti mi tidaan pawl an rak reltlang. Ralbuainak in ram tinkim thawn pehpar mi nemhnget mi upadi pawl a siatsuah. Curuangah buainak hrampi a suak ter tu a langter rero.

           Cui buainak cu ram tinkim upadi a thupi zet  mi sunnak a si. Remdaihnak le milai covo ziangtin tha ten an pehtlaih ti khal ram tinkim thawn pehpar mi milai covo le hramthok zalennak pawl siatsuahnak in remdaihnak a hringhro rero thu, ziangah tile Helsinki Final Act ih thuthan ah milai covo le hramthok mi zalennak pawl cu ram sungah siseh, a dang ramthen pawl ah siseh, remdaihnak, thudik, duhdawtnak pehtlaihnak lam nemhnget a tul tiah an sim.

           Ukraine ah tui a cang rero mi ralbuainak thawn pehpar in khal tahthimnak pekin Pope Francis in hramthok milai covo siatsuah reronak thawn pehpar in tu le tu a sim rero ih hlei ah ram tinkim upadi upat a tul thu khal cat lo in a forhfial thu Msgr. in a rak sim.

Hi thuthang cu Vatican thuthang ih kan ngah mi a si.

https://bit.ly/3jc9Gqm