Pope in Ukraine ah minaa phurhnak mawtaw hlu. (March 29, 2022)

Pope in Ukraine ah minaa phurhnak mawtaw hlu. (March 29, 2022)

         Ukraine ih a cang rero mi ralbuainak ruangah harsatnak a tong rero tu Ukraine ram mipi pawl thawn a um thu langter dingah Pope Francis in Ukraine ih feh ding mi Cardinal Konrad Krajewski thawn hman theih zo mi mina phurhnak mawtaw pakhat khal Lviv ah a kuat cih. Ukraine acozah dinhmun in khal ralbuainak a cang rero nak hmun ih raltlan (250,00) khal a himnak hmun ah a thawn ih tui Pope rori in thluasuah pe in a hlu mi mina phurhnak mawtaw tla an ngah.

         Pope ai-awh in hi mina phurhnak mawtaw cu tuanvo ap in a pek ruangah khal a tum zet mi caantha a si thu, san a neih thu, man nei zet mi peknak a si thu, ziangah tile mina phurhnak mawtaw cu milai nunnak runnak ah hman a si thu, hi mina phurhnak mawtaw cu mina pawl hrangah a thupi zet vekin hi mawtaw hlunak thawngin Pope in cui mina pawl lainatnak thawn a pom thu a duhsan thu, ‘nan kiangah ka um. Nan mah thawn ka tuar rero. Harsatnak a tuar rero tu hi ram ih remdaihnak hrangah thla ka cam’ tiah a sim.

         Hi mina phurhnak mawtaw ngahnak ruangah tuanvo la in a phurh saktu Cardinal siseh, a hlu tu Pope hnen khal ah a lungawi thu, hi mawtaw cu nauhak mi dam lo pawl phurhnak ih an hman ding thu a rak sim.

         Ukraine ram ih tuanvo nei tu pakhat khal in tui caan ah hi vek laksawng ngahnak cu san a neih thu, ziangah tile Lviv a raltlan pawl nitin ten an tam deuhdeuh. Curuangah Cardinal siseh, Pope siseh hi laksawng le Ukraine mangsal in thla an cam sak ruangah a lungawi thu, thazaang a tlun ter sal thu, kan tesinfa pawl ralbuainak ton ter an duh lo thu, harhdam in nuam ten um ter a duh thu, ralbuainak a can hnu Ukraine ih tu a thlennak cu Cardinal ih veihnihnak a si tiah a sim. Hi mi thuthang cu Vatican news ih kan ngah  mi a si.

https://bit.ly/3ua265M