Malta ih mi harsa pawl ih harsatnak hmaisa ah a tuah sak rero tiah Pope Francis in sim (April 06, 2022)

Malta ih mi harsa pawl ih harsatnak hmaisa ah a tuah sak rero tiah Pope Francis in sim

(April 06, 2022)

         Pope Francis in Malta ih a rak fehnak a Tuukhaal khualtlawnnak thuhla cu tlawngkai nithum tinten khawmzawhtu pawl thawn an tonawk lai ah ruahnak a rak pek sal. Tikulh a rin lo pi ih a rak thleng tu dungthluntu Paul duhdawtnak thawn hmuah theunak thinlung cu tui ni mivai pawl ih harsatnak thawn tahthim  a theih. Mi harsa pawl ih harsatnak a thupit lawng a si lo. Kan santiluan ih langsar mi pakhat khal a si. Mivai pawl cu an mah thawn a bang aw lo mi thuhla pawl a tel. Cui thuhla pawl in liannak laksawng in pek.

         Malta ah a Tuukhaal khual a rak tlawn thei ruangah ram President in siseh, hmun tinkim ih thuneitu pawl khal in siseh, Bishop pawl le kohhran mipi pawl le a dang volunteer pawl in siseh an tirhsiannak, apawknak zate hrangah an lungawi bet thu, Tirhthlah 28: 2 sungah dungthluntu Paul in tinbaw a siat ih a khualtlawn a rak cawlhnak Malta tikulh ih mipi pawl cu an hnenah a mah thawn a bangaw lo mi lainatnak a rak langter thu in sim.Hi duhdawtnak tel in lunawi sopar ten hmuak thiam tu Malta tikulh mipi pawl ih thinlung vek kan nih khal in nei in kan hmuhton rero mi mivai pawl bawm a tul. Hi thuhla cu a thupit lawng a si lo. Kan san ih hminsinnak pakhat a si. Malta ram cu hi mi harsa pawl thawn pehpar in hmailam in a bawm rero thu Malta ih a Tuukhal khual a tlawn lai ah ‘Pope John XXIII’ hallkhaan ah rak tongtu mibai miharsa pawl cu teette an si.

         Dungthluntu Paul ih Biakin ah khal mi riannak thinlung thar a thar in um sal dingah thla a rak cam. Cui thinlung cun Malta hnenah a danglam zet mi Pawlpi leiram ah a can ter. Gozo ih um Bawinui lungdawl ih thla a cam lai ah Malta tikulh mipi pawl in Bawinu ziangtluk in an upat ti mi thuhla a rak ruat. Kan nunram ah um lo theih lo ih kan tul mi pawl hnenah cat bang lo in in hruai kir sal. Cui thil cu Thinglamtah parah thahnak tuar in a rak thosal tu Christu a si. Cu vekin kan mah minung innsungsang hnenah Pathian thuthangtha ih rundamnak thuthang a si mi Pathian ih duhdawtnak thawn a khat mi zaangfah lainatnak hnenah in hruai. Pathian in Malta ram le ram mipi pawl, liannak le remdaihnak pe hram seh tiah Pope in a sim.

         Hi thuthang cu Rome Reports thuthang ih kan ngah mi a si.

Photo courtesy of : Times of Malta 

https://bit.ly/3r9WGWu