Ukraine harsat tuar pawl hrangah nitin paunghmuk sungih sa rawi mi (sandwiches) thawng sawmli hrawng a tuah tiin Poland Caritas Director in sim. (April 7, 2022)

Ukraine harsat tuar pawl hrangah nitin paunghmuk sungih sa rawi mi (sandwiches) thawng sawmli hrawng a tuah tiin Poland Caritas Director in sim.

(April 7, 2022)

              Poland Caritas pawlkom pawl cu February thla ah doral tu ralkap ruangah harsat tuar tu Ukraine rammi pawl hnen zangfah bomnak pek nak ah hmaisalam ah an um. Poland caritas director Fr. Marcin Izycki ih a sim mi cu “Kanmah pawl cu nitin paunghmuk sungih sa rawi mi (sandwich) 40,000 kan tuah theu. Ramri a lan tu pawl hrangah a hlum mi rawl pawl khal kan timtuah sak. Hivekih tuahsak nak cu dawr ih lei siloin mahte tuah in pek mi a si. Ziang asi khal le hi mi pawl rawl pek ding. A hmaisabik dinhmun in hi mi pawl rawl pek ding a si” tiin a sim.

              Caritas Director Fr. Marcin Izycki in himi pawlkom cu ramri lan in him nak hawl in a thleng tu harsat tuar pawl bom nak pe in runnak pawl ziang tin an bom thu a sim. Himi Poland pawlkom ih Director Fr in Euro tan 10 cu a hlu in ngah a siih Diocese pahra ih ummi harsat tuar pawl ih buainak pawl an bawm.

              Harsat tuar a tamsawn cu Warsaw le Krakow vekih bomtu tambik umnak khuapi pawl an feh duh nak ramri in a suak duh lo mi a dang harsat tuar pawl khal an um lai. Ukraine ih ummi an inn pawl thawn nai deuh ah an um duh ih, rei lo te ah an kir sal ding tiin an ruahsan ruangah hla pi ah an um duh lo.

              Ramri ah umnak hmun an hawl ih an um duh. Himi ramri hmun pawl ah cohlang in hmuak ka duh tiin Fr. in a sim. Ral buainak a can hnu a hmaisabik ni 30 ah caritas pawlkom cu in ei, siivai pawl le electric meisa pawl cu Ukraine ah truck 500 hrawng thlah in harsat tuar pawl hrang in ei pawl khawl dingah a dang pawlkom pawl khal pehtlaih in an bawm.

              Poland miphun pawl cu raltlan pawl hrangah ih nak hmun pawl an timtuah hleiah sumpai bomnak pawl khal an pek ruangah hivek a tam mi pekawk nak phun thawn lungrual in tuannak veikhat hman ka hmu dah lo. Mipawl in an thinlung thawn an paisa bawm pawl an ong tiin Fr in a sim. Thinlung thawn paisa bawm pawl a ong tu Poland mi pawl cu a tul mi inn hnen bawm dingah an ti thei tawk an tuah tiin a sim. Himi thuthang cu Rome Reports thuthang ihsin kan don mi a si.

https://bit.ly/3Jn8oU0