Ukraine ih Sister tlawng pawl cu raltlan pawl kilkhawinak hmun tiin an thleng. (April 15, 2022)

Ukraine ih Sister tlawng pawl cu raltlan pawl kilkhawinak hmun tiin an thleng.

(April 15, 2022)

              Ukraine ram ih St.Joseph Sister pawl ih tlawng cu Russia ral pawl ruangah raltlan ih relh tu pawl kilkhawinak hmun tiin an phuan. Ukraine ram mi tampi cu Russia ralkap ih kap nak Ukraine ih saklam le nisuahnak lam ihsin an tlan. UN ih thu an suahnak vekin mi tan 4.7 luan cu Ukraine ram in an tlan. Tan 7.1 khal an inn ah um loin ral buainak thawn ahlat nak him nak hmun ah siseh, ram tinkim pawlkom ih phuan mi raltlan pawl umnak hmun pawl, Sister tlawng pawl ah siseh an tlan.

           Pawlpi ih phuan mi pawlkom tampi cu a tu harsat caan ah tidaan a phunphun thawn an bom. Cumi lakah St.Joseph Sister pawl an si. An sister tlawng khal raltlan pawl colhnak hmun tiin thlengin bomnak an pe. Ukraine ram ih nitlaknak lam khuapi pakhat asi mi Lviv khuapi ih Sister tlawng a lawng nak hmun ah ih nak a um le um lo an thei lo. An zoh man lo. Dinhmun ih zir in an it thu, hivek dinhmun asinan thil sop nak, rawl ei ding, himten an it thei ruangah an lungawi thu, St.Joseph pawlkom ih Sr.Tobiasza in thuthang la tu pawl hnen a sim. Sr ih rian a tuan nak khuapi cu raltlan pawl hrang an colhnak hmun a si. Reipi um tu ding pawl hrang khalah an um nak ding hmun cu Sister pawl in an hawl sak. Ahleice in ramri khuapi a si mi Polan ram ih um thei dingah caan tha an hawl sak. Innsang in siseh, nu le nauhak pawl siseh ral daihnak ah an kuat.

Inn kau, inn te pawl

           Sister tlawng pawl cu a kau ruangah raltlan pawl an bom thei nak a silo. An tlawng a tum tuk lo nan dinhmun ih zir in ziang tluk ih a te hman ah a thupi le a tul mi pawl hrang sangkaa an ong. Tlawng fate lawng a nei mi Stryi khalah nauhak pahnih le innsang pakhat, pitar pakhat umnak an pe. Ram sung ramleng ih bom nak in Sister pawl dinhmun in thil sop nak cet, refrigerator pakhat, ihkhun pawl le a dang tul mi pawl khal an silhkhah sak thei thu, an kil mi pawl sung in mipa pakhat cu a dam lo ih ahleice tak in kilkhawi a tul tiin an sim.

Thlacamnak thawn bomnak

           Kohhran sungah bom a tul mi hmun pawl a bom tu pawlkom in Ukraine ram Lviv Archdiocese sungih Catholic Sister pawl bom dingah thil pawl an timtuah zo. Sumpai bomnak cu Ukraine nitlak nak lam ih Sister 140 khal bom in an pe ding. A tui pek mi a hlu paisa pawl cu an mai karuna hnatuan pawl, raltlan pawl bom nak hnatuan pawl hrangah an bom ding. Sister tlawng cu raltlan pawl ih inn vek a si ruangah thlacam nak ah hmun khat ten thlacam in Ukraine raltlan pawl hrang naiten bom nak a pe tiin an sim. Himi thuthang cu Vatican thuthang ihsin kandon mi a si.

https://bit.ly/3jUYPS4