Mino pawl zumnak ngah sal nak hmainor in Indonesia ram ah mino pawl hrang online in tonawknak tuah (April 13, 2022)

Mino pawl zumnak ngah sal nak hmainor in Indonesia ram ah mino pawl hrang online in tonawknak tuah

(April 13, 2022)

              Tubaite ih tuah mi mino pawl thawn online ih tonawknak program cu mino pawl ih zumnak a nung ter ih, Pawlpi ih program pawl khalah phurzet in an tel thu hmuh a si tiin an sim. Program ih tumtah mi cu covid ruangah mi pawl thawn pehtlaihnak a um lo nak cu kumhnih lai a rei mi mino pawl ih thinlung nung sal nak, pehtlaih aw ih hnatuan thiam dingah, zir dingah, thlacam dingah le nel aw in duhdaw aw dingah a si. Himi program cu Indonesia ram ih Catholic Bishop pawl pawlkom ih mino pawl zungah March 25, 26 ah an tuah nak a si.

              Program ah mino 214 an tel thu, himi program cu "Christus vivt (Christ is alive) (a nung mi Khrih) tiin hmin an pe. Nunphung pehtlaihnak, khat le khat pehtlaihnak le thlacamnak thawn hmanhman silo ih a cang mi nun khuasak daan a hlan vekin cang dingah a si. A tel tu mino pawl cu a nung mi Khrih thu, Nu Pawlpi  ih daan upadi pawl thei in an nitin nunnak ah nunpi nak, Pawlpi ih hnatuan pawl khal ti thei tawk in tel in hlan nak pawl an tuah. Anmah pawl cu a dang nauhak, mino, tlawngta, hnatuan rero tu mino le nauhak innsang nei cuvek pawlkom tampi an aiawh.

              2018 kumah mino thurelkhawmnak an tuah ih cui thurelkhawmnak hrang Pope in "Christus vivit" a nung mi Khrih capi a suah. Cui capi cu mino pawl ih zumnak le hnatuan hril nak lam ih lamhmuhnak pawl an bet. Pulhnat ruangah mino pawl cu kiangkap thawn pehtlaih nak a siat ih, social pawl, phone pawl thawn lawng an tong aw. Tlawng, college, hnatuan ding khalah dinhmun in a pe loih, fimthiamnak thil pawl ih bomnak thawn lawng cazir in hna an tuan. Capi thawn pehpar aw in a tui tonawknak ah mino pawl hnen theih awk in simfiang a si thu, mino pawl a hman mi duhdawt nak ah khat le khat hnaihnok nak le sawm nak pawl a tong tu mino pakhat ciar hnen nelawk nak thar, thei thiam ih pom awk nak a thar thawn lamhmuh dingah a tul thu Indonesia ram Catholic Bishop pawl pawlkom ih mino tuanvo neitu Fr. Kristi in a sim. Himi thuthang cu RVA thuthang ihsin kan don mi a si.

https://bit.ly/3xBxgoI