Vatican in Bukdah suahcam cibai buuknak ca kuat

Vatican in Bukdah suahcam cibai buuknak ca kuat

May 06 ni ih Buddha suahcem hngilhlonak ah leitlunhuap ih tuah mi    puaipi ah Pope zungpi, Kohhran pawl pawlkomnak council in kum tin a kuat theu mi capi cu ‘ruahsannak um mi luat theinak parah Budish biaknak le Christian unau pawl thawn tang tlang uhsi’ tiah an tarlang. Gotama pathian ih suahcam, thihnak le tleunak ngahnak hngilhlonak puai cu ram hrekkhat ah ni bang aw lo in an tuah.

Leitlunhuap minung lainatnak thawn pehpar mi harsatnak tumpi thawn luat thei dingah tang tlang uhsi tiah cibia buuk a duh tu Pope zung hotu upa Cardinal Minguel Angel Ayuso Guixot le a mai secretary Msgr. Indunil Janakaratne Kodithuwakku Kankanamalange pawl in lethmat tthu in cibai an rak buuk. Minung pawl cu harsatnak phun za kip kan tong theu. Caan rei zet mi covid-19 natnak ih ken mi harsatnak phunphun cu leitlunhuap ih minung pawl in an tuar rero ih tu le tu a cang rero mi pulhnat pawl a can tikah leilungtlun ih tlangleng mi minung pawl a siatsuah ol ih hlei ah sual nei lo pawl thi hnai tlaknak le natnak phunkim tuarnak pawl a cang ter rero.

         Cardinal in Pope Francis ih beidongnak a tuar mi thuhla a sim sal mi cu ‘minung pawl cu science ih thansonak pawl ruangah kan porh aw rero ko nan remdaihnak thawn pehpar in cu dung kan siip theu’ tiah a rak sim.

         Riahsia za harsatnak pawl fiang ter dingah minung le minung lainatnak hrangah kum reipi hrang tawlrel dingah a harsa lai. Milai ziaza pawl a tlaksiat lai ah biaknak lam cu ruahsannak mei-inn hman thilri liannak dung thlunnak le thlarau lam thawn pehpar in man nei zet pawl tansannak cu milai pawlkom ih ziaza pawl man neih ter nak tum ter dingah a tumtah thu Vatican ih tuanvo  neitu in a rak sim.

         Hi thil pawl ruangah Buddha le Christian pawl cu mai biaknak lam le milai ziaza lam tuanvo neihnak ruahnak pawl khaisang in minung pawl ih rem awk salnak hngetkhohnak hrangah tha suah uh tiah a rak sim. Biaknak lam ih a hngetkhoh tu pawl zaten ruahsannak ih maiinn pawl ah ruahnak thawn thlarau lam ziang hman um lonak le natnak le palhnatk tampi a cang ter tu pawl upat tlak zet mi ziaza din suak thei nak la cio dingah thazaang pe in a forhfial. Bawi Jesuh ih thluasuah 8, tlangpar thusimnak khal thlarau lam man hla zet mi pawl thawn harsatnak pawl lak ah ziang vek in um ding tiih rak thannak a si.

         Hmailam caan tha deuh dingah tuan tlang uhsi. Buddha ih thuruah thiamnak le zirhnak pawl cu nunphung khuasak daan le ruahsannak ih thupit zia zirhnak parah a lom thu a langter ih Pope Francis ih “Laudato Si” capi, ruahsannak ih ken mi cu ‘kan kekar pawl cu buainak pawl tawlrel dingah, kir sal dingah, tidaan thar pawl a um ringring.’ Capi ih cemnak ah ‘rualpi pawl hrangah a tha mi Vesakh puai siseh, ruahsannak pawl cat bang loin nung in tui minung pawl ih ton rero mi harsatnak pawl lehrul dingih tuahnak pawl phorhsuak the ihram seh” tiah cibai a rak buuk. Tu vekih Vesakh Buddha suahcem cibai buuknak capi kuatnak cu kum 25 a luan thlang. Cu vekin Ramadan Eid le Dewali puaini pawl ah khal Pope zung in cibai buuknak capi pawl a kuat theu.

https://bit.ly/3KWz6nm