Pope Francis mipi pawl thawn an tonawknak ah a khuknaa ruangih leng bun mi tohkham hmang. (May 05, 2022)

Pope Francis mipi pawl thawn an tonawknak ah a khuknaa ruangih leng bun mi tohkham hmang.

(May 05, 2022)

          Mipi thawn tonawknak caanserh ah Pope Francis cu a khuk a nat ruangah leng bun mi tohkham hmaisabiknak ah a rak hmang. Sister congregation pawl ih u pa pawl thawn tonawknak pakhat ah donhleisang parah leng bun mi tohkham thawn a rak tel ih a to nak hmun ah bomnak lak in a rak to. Tlawngkai nili ni hlan te ah Pope Francis cu mipi thawn an tonawk lai ih a feh lai a harsatnak a ton kha langhngan in hmuh a rak theih. Pope Francis ih to mi leng ihsin a tonak ding tohkham ih a feh nak ah bom cop in a rak feh.

          A liam zo mi ni rei lo te ah khal Pope Francis ih “The Paul V, Audience Hall” khaan ih a lai ih um mi tohkham ah donhleisang par a kap ihsin a rak feh lai ah khal Pope Francis ih a mai siibawi in ke thawn mah ten feh lo dingah ruahnak a pek thu, khawmzawhtu pawl a rak sim. A liam zo mi July tla ih rak cang mi rilpi operation tuahnak ih a dam sal caan ihsin thok in tui tum cu hmaisabiknak leng bun mi tohkham a hmannak a si. Vatican ih thuthan vek a si le Pope Francis cu tui hrawng ke ih feh ding hnakin leng vun mi tohkham a hmang men thei nan a hlan ih tuah mi caanserh pawl cu thleng lo in a tuah ding ti a si.

          Hi thuthang cu Rome Reports thuthang ih kan ngah mi a si.    

https://bit.ly/3skpZq3