Philippines ram mipi taan (65.7) cu ram pumhuap dinhmun in President hrilnak ah mee an pek (May 09, 2022)

Philippines ram mipi taan (65.7) cu ram pumhuap dinhmun in President hrilnak ah mee an pek

(May 09, 2022)

         Philippines ram mipi pawl cu May 09 ni ah ram pumhuap dinhmun in hrilawknak an rak tuah. Ram sungih Cathlic hrilawknak si dingah khal thla an cam rero. Tui zing nazi 5:00 ihsin thok in ram pumhuap dinhmun in mee pawl an rak pek. Mee zung cu tui zing 6:00 ah an ong ih zaanlam 7:00 ah an khar ding. Cat bang loin Bawipai Thi le Sa khal sun vuu ong in thlacam duhtu pawl, lungawi thusim a duh tu kpawl olten thlacam a theih.

         Tui hrilawknak hrangah March 07 ihsin ni (90) rei mee an rak hawl. Tu ahcun Pathian ih duhdawtnak, thatnak le zaangfahnak ah akp a tul thlang. Mipi pawl cu Pathian ih rulhkirsal nak tangdor ten ruah san phah in tui h rilawknak hlawhtling dingah, Philippines miphun cu fimnak, bangraannak umnak, remdaihnak, thudik, humhimnak thluasuah pawl hrangah dil phah in Pathian ih thuneihnak le thianhlimnak cu thatlonak pawl neh thei dingah le ruahnak tha lo pawl hrial a tul.

         Sual hram nei lo in a seem mi congregation Sr. pakhat a si mi Jennibeth Sabay Sabay in ram ih hrilawknak puai cu Pathian in ram ih vanthatnak tuah hram seh tiah duhsaknak hlan in thla a cam. Hi sungah Catholic Bishop pawl palkom in May 5 ihsin tui ni tiang nithum sung h rilawknak hlawhtlinnak lam hleice ih thlacam dingah a forhfial.

         Catholic Bishop pawl pawlkom hotu, Bishop Pablo Virgilio David in tui hrilawknak cu mipi ih ruahsan vekin a cang ding tiih a ruahsan thu, hi hrilawknak cu a dik mi, tlaitluang mi, zalennak um dingah kan ti thei mi a thabik mi tidaan thawn dil a tul. Cui tidaan cu thlacamnak thawn mee peknak tha ten cekaw ih pe dingah tidaan pawl a si. Ram sungih um Diocese pawl in Parish pawl ih Biakinn cu May (8-10) tiang on sak dingah, Bawipai Thi le Sa khal tuah sak dingah zaangfah a dil. Bawipai Thi le Sa khal caan thleng aw ih biak dingah tim an tuah.

         Rosary camnak, Loretto Bawinu ih Litany cam in apnak, zaangfahnak Jesuh Rosary camnak pawl nazi ih zir in cat bang loin biak a tul.

         Catholic Bishop pawl pawlkom khal in Diocese, Parish pawl ah mee thlaknak pung pawl an on caan ah Biakinn ih khawnglawng pawl cu minute (10) rei tum dingah a sim. Hi vekih tuahnak cu ram mipi pakhat ih tuanvo cu thlacam in Thiang Thlarau Pathian ih tleunak thluasuah thawn hman ten tuan dingah le ram le ram hotu pawl, dik ten hril thei dingah kohhran mipi pawl ralrin peknak a si. Thinkhat lungkhat ten Thiang Thlarau Pathian hnenih thlacam tikah dik lo ih thleem tu hotu pawl le an mah lungkim tu pawl hrial dingah, a hleice in mee pawl leinak thawn dik lo in neh tum dingih zuamnak, hringhronak tivek pawl tikcu kheel in phorksuak thei dingah a si.

         Philippines ram ih Catholic Bishop pawl pawlkom khal in hrilawknak commission an mah thawn tuan tlang tu pawlkom pawl le pawlkom phunphun hrangah khal thlacam sak dingah, cui an mah tuanvo pek mi pawl, tlaitluang ten, tha ten a san um zet le remdai mi h rilawknak si dingah a forhfial. Diocese ih pawlkom mi mee zung kilhimnak pawlkom, Pawlpi ih hnatuan nak pawlkom sungtel taankhat le hrek hrawng hnatuan tu thlah in a rak zoh ter. Hi mee kilhimnak Pawlpi committee cu duhzulhnak, pawlkom pakhat khat lungkimnak, ziang thatnak hman ruahsan loin Nu Pawlpi thawn pehtlaih in ram hrangah thudik teette khaan thei dingah ziang vek dinhmun khal siseh la dinpi ih tuannak a thupit thu cui pawlkom hotu Myla Villanueva in a rak sim. Cui hnatuan tu pawlkom pawl a sang sang ih mee peknak ah theih duh mi pawl a let tu pawl le a tul sam mi pawl a tuah sak tu pawl ih a hman mi an si.

         Lamhmuhnak zung cu mee pek tikah tlaitluannak umnak, um lonak, cet khaluk pawl ih tuah mi a dik le dik lo ti cek a tul. Hrilawknak thawn nai ten hnatuan tikah khal an tumtah mi parah hngetkhoh ten an tuan thei ding thu, mipi pawl ih zum thei dingin an tuah ding thu Villanueva in a rak sim.

         2016 hrilawknak ah mee pe dingah cazin a pet u (55739911) a rak umnak ihsin tui mee petu (43716817) an rak um thu, mee petu zateek (81.95) an rak um ih (2001) hnu mee petu tambik khal a rak si. Hrilawknak ih ngah mi hrekkhat cu May (10) ah theih a theih ding thu le tlawngkai nikhat, May 9 ah Philippines ram mipi taan (65.7) in mee an pek bet ih ram ih acozah, vice-president, Signis hluatdaw a mat (12) , congress ai-awh tu pawl le hrilawknak ih tel mi 18,000 an hril ding thu a rak than.

         Hi thuthang cu RVA thuthang ih kan ngah mi a si.

https://bit.ly/3FE0CF0