India ram ih Catholic tlawng asimi ‘little flower’ ah pung puak nak cang

India ram ih Catholic tlawng asimi ‘little flower’ ah pung puak nak cang

            June 5 zinglam 3:10 ah India ram nisuah nak sak lam Manibur ramthen Imphal khuapi ih Catholic tlawng ‘little flower’ gate ah a tha a pin mi Bung(Bom) pakhat cu zo ti theih loin a puah. Van that nak ah tuahmawh ngah mi an um lo nan tlawng thilri thenkhat, sangkaa thlalang pawl le luhnak gate pawl nasa zet in a siat thu Tlawngih thunei tu pawl in an sim.

          Cui do nak thawn pehpar in zovek siseh, ziangvek pawlkom in an tuah timi cu tuitiang theih a si hrih lo thu, cui thil puak nak dokalh nak langter dingah tlawngta pawl le Tlawng ih hnatuan pawl in Tlawng gate ah June 6 ah remdai ten duhphorh nak an nei ih, Imphal khuapi le a dang Tlawng pawl zaten ah tuahmawh nak a um lo mi fimzir nak pawl tuah ding khalah an dil.

          Hi thil a tuah tu pawlkom an mawhthluk thu le cozah dinhmun in tuanvo nei tu tuahmawh tu langsar ter dingah Manipur Catholic pawl pawlkom in June 5 ah an dil. Manibur Catholic fimzirnak khal Imphal khuapi Archbishop Dominic Lumun thawn June 5 zarhpi ni ah thil puak nak thawn pehpar in thupi zet in tonkhawm nak an tuah.

          Ni1 sung thu an rel khawm hnu ah buainak remsal dingah thu an bot cat. “Little flower Tlawng le bulpark Tlawng pakhat ih aiawh tu pawl cu June 6 ah duhphorh nak an nei ih, sun nazi 1 ah thuthang ti fel nak an nei. Manipur minister le fimthiam nak lam upa hnen khal thuhla pawl an kuat vekin ‘little flower’ Tlawng thawn hmunkhat ih an um thu langter dingah Manipur ramthen ih Catholic Tlawng zaten June 7 ah tlawng an pit.                                                       

https://bit.ly/3aHxAbX