Burkina Faso ah Christian (Evangelical) minung (14) kahtthat an tuar (December 5)

Burkina Faso ah Christian Biakinn (Evangelical) pakhat siatsuah a tongih minung 14 an nunnak an liam (December 5, 2019)

            Kandung zarh zarhpi ni ah Burkina Faso Hantoukoura um Christian kawhran pakhat kan unau pawl ih Biakinn siatsuah an ton nak ruangah mi nung 14 in an nun a cem a si.

            A siatsuah tu pawl cu Nageria ram ri ih motor-cycle thawn an thlengih Biakinn sungih kawm nak a nei rero tu pawl kha mipa le nunau an then ter hnuah zialah anbok terih mipa pawl kha puan thawn an khuh hnuah pakhat hnu pakhat meithal thawn an kah that a si. A thi tu mipa pawl cu nauhak an si thu khal an sim a si.

            Hi ti vekih siazet ih that nak ruangah a thi tu pawl ih thlarau hrang le riahsiat beidong zetih a um tu an sungkua pawl hrangah an thin a nuam lo thu kha Burkina Faso Bishop pawl in ca ah an suah a si.

            A pehpeh ih hi ti vekin Christian pawl hrem nak le thah nak hi ban san dingin vei tam pi dil le au rero a sinan a tu ni tiang Christian pawl thah an tuar rero thu khal hi leilung pi ih ziang siar lo nak thlauthlak mi vek a si thu an sim.

            Hi ti vekih Biak nak pawl do awk nak a cang mi hmunah minung thah nak ding hriamhrei a zuar tu khal tuan vo a um thu kha Catholic Bishop pakhat in a sim a si.

https://bit.ly/2tklTCt