Biakthawinak thawn pehpar ih hlawmawknak ( June 12, 2022)

Biakthawinak thawn pehpar ih hlawmawknak

(June 12, 2022)

          Bengladesh kutthuai ih um Biakthawinak le thlacamnak thawn pehpar mi commission in Catholic Pawlpi ih biakthawinak thawn pehpar mi hlawmawknak cu June (3-8) tiang Dhaka Archdiocese ih um ‘Thiang Thlarau Pathian’ Puithiam Tlawng ah an rak tuah.

          Tui hlawmawknak puaipi ih tumtahnak cu Bengladesh sungih um Catholic Diocese pawl hnenah biakthawinak thawn pehpar mi lamhmuhnak lam thlacamnak ca uk cu Pathian hla le sunloihnak pawl bangawkternak a si thu, tui hlawmawknak ih tumtah bik mi cu biakthawinak ah kohhran mipi pawl thatho ten tel thei dingih tuah mi a si thu a sim.

          Bengladesh ram ih um Diocese (8) ihsin Diocese 1 ciar ih ai-awhtu (8) pawl pelh lo ih an rak tel thu, Missa sumnak cu Pawlpi ih nunnak hrampi a si ruangah biakthawinak ah thatho ten tel ding a tul thu, biakthawinak ih sak mi Pathian hla khal a thupit thu, Pathian hla pawl in kan tha a thawh ter ih in thangphawk tiah biakthawinak hramthok thusimnak ah a rak sim.

          Thurelkhawmnak sungah “Tui san ih nomnak cu Missa sumnak tuahnak ih tel tu mipi pawl thatho ten tel dingah a bawm. Biakthawithawinak ti tikah Pathian tongkam cu biakthawinak lam ah siseh, Bawipai Thi le Sa tuah ih sannak lam ah siseh a tha zet. Hi then 2 cu Catholic Pawlpi ih biakthawinak ah a thupi zet mi thenkhat a si tiah a sim.

          Pawlpi ih Pathian hla cu biakthawinak hrangah a rem zet. Thlacamnak, lungawi thusimnak le apawknak khal a tel thu, cui hlawmawknak ih a tel tu pakhat in tui hlawmawknak ah a hlan hnak in thatho ten, thinlung tak ih tel dingah khal tleunak a rak ngah thu a rak sim. Hlawmawknak puai ih rak tel tu a dang pakhat khal in tui hlawmnawknak ih telnak thawngin thuhla thar pawl a si mi Missa sumnak ah Pathian hla, Saam pawl ih thupit zia pawl a rak theih thu, tu ihsin thok in Zarhpi ni Missa sumnak ah ralring ten a hruaikai ding thu a rak sim.

https://bit.ly/3HqGreE