Nigeria ih Biakinn pahnih cu Zarhpi ni biakthawinak tuah caan ah do tuar. (June 20, 2022)

Nigeria ih Biakinn pahnih cu Zarhpi ni biakthawinak tuah caan ah do tuar. (June 20, 2022)

          Nigeria methal kaitu pawl in Catholic Biakinn pakhat le Baptist biakinn pakhat cu Zarhpi ni zinglam ah an rak do ih mi pathum an that ih biakthawinak ih tel tu mipi 30 luan an kaih thu theih a si. Nigeria ram, nitlaknak saklam Kaduna ramthen ih um mi khuate pawl cu motorcycle pawl thawn hriamhrei kaitu pawl in an rak do ih St. Moses Catholic Biakinn le Maranatha Baptist biakinn pawl cu June 19 ah an rak do tiin cui hmun ih acozah lam tuanvo neitu pawl in the Associated Press zungah an rak sim.

          “Kaih tuar mi pawl do an tuar caan ah Catholic le Baptist biakinn a pahnih ten an khawm lai zinglam nazi 7:00 am hrawngah hriamhrei kengtu pawl in an rak do,” tiin acozah lam thuthantu Reuben Buhari in June 19 ah the Nigerian newspaper Vanguard ah a rak sim. “Tui ni ah Baptist Biakinn ih an kaih mi nufa tei papi ka rak tong. A sim mi pawl cu zohman in tong hram hlah hai seh,” tiah a rak sim.

          “An kaih mi pawl cu Baptist mi an si ih an thah mi 3 cu Catholic mi an si,” tiin cui hmun ih thuthang zung in AP ah a rak sim. Hi donak cu Pentecost Zarhpi ni ah Catholic Biakinn do a rak tuar lai ih Christian 40 luan thah rak tuar hnu Zarh hnihnak ih rak cang mi a si. June 5 ah, Islam ruahnak luar pawl tiih zum mi hriamhrei kaitu pawl in nitlaknak thlanglam Nigeria ih um Ondo ramthen, Owo ih St. Francis Xavier Catholic Biakinn cu Penticost puai ni Zarhpi ni ih biakthawinak ih a tel tu Catholic mipi pawl an rak do.

          June 17, Pentecost ni ih thah tuar tu mipi pawl ih ruakvuinak Missa sumnak ah Oyo Diocees ih Bishop Emmanuel Badejo in zaangfah a rak dil; A hleice in President Muhammadu Buhari nasa zet in a rak mawhthluk ih a ramsung Christian mipi pawl thahnak thawn pehpar in a ram hrangah a daithlang tiah a hmu. Leitlunhuap ih ramdang pawl hnak in Nigeria ram ih Christian pawl cu an zumnak ruangih thah tuar mi an tam sawn. 2021 ah a mal bik in 4,650 thah an tuar ih 2022 kumthok lam thlathum sung lawngah mipum 900 hrawng thah an rak tuar.

          UK milai covo foundation ih sim vek a si le Nigeria ram, Kaduna ramthen ah kan dung rei lo te ih rak cang mi Biakinn donak pawl cu Nigeria ah ramthan si lo mi kaih tuarnak le tuah mawhnak pawl ih thupitnak ih a can thu a tarlang.

          Hi thuthang cu Vatican thuthang ih kan ngah mi a si.

https://bit.ly/3Or7gl8