FABC hoha tu le Apostolic Nuncio cu India ram, Kolkata ih Holy Rosary Cathedral ah tlawng. (July 26, 2022)

FABC hoha tu le Apostolic Nuncio cu India ram, Kolkata ih Holy Rosary Cathedral ah tlawng.

(July 26, 2022)

          Cardinal Charles Bo. SDB, Asian Bishops Conferences (FABC) hotu le India le Nepal ram ih Archbishop Laopoldo Girelli Apostolic Nuncio pawl cu 2022, July 24 ah Kolkata ih um Holy Rosary Cathedral ah an rak tlawng. Pope Francis in tui kum hrang a hril mi thuluu, Saam 92: 15 sungta “an tar hnu khal ah rah an rah” tiih a rak sim mi cu veihnihnak leitlunhuap pipu pawl le kum upa pawl sunloihnak thawn Cathedral ih Missa sumnak ah Archbishop Girelli in a rak sim.

          Pope Francis sirhsan in Archbishop in ‘kum upa hi sunnak pek caan a si lo, mission thar in in hngak rero ih hmailam caan zoh dingah in forh,’ tiah a rak sim. “Kum upa pawl in thinharnak, ruahnak pawl le minung ih in cang ter tu duhdawtnak in zawnruahnak hrangah thathnemnak a um ter,” tiah a rak sim bet. Cui caanserh ah Archbishop Girelli in mino pasarih Christmas thapeknak a rak pek. Cathedral Parish ih riantuantu pawl in upat tlak mi pawl hnenah an nunphung daan vekin an rak sunloih.

          Sikh le Shia pawlkom pawl tel in India ram, United Interfaith Forum ih umnak cun cui puai cu miphun kip nemhngetnak puai pakhat ah a rak can ter. Cardinal Charles Bo in ‘bangawklonak in lungrualnak a upat ih a khaisan a tul. Bangawk lonak pawl tuar thei lawng si lo ih sunloih dingah a si’ tiah a rak sim. Cardinal Bo, Archbishop Girelli le Yangon ih Bishop Yawhan pawl cu Calcutta ih Thomas D’Souza le an pawlkom sungtel pawl tha pe dingah Radio Veritas Asia Bengali Service ah an rak tlawng.

          Hi thuthang cu RVA thuthang ih kan ngah mi a si.

https://bit.ly/3vizTde