Bangladesh ram, Dhaka tlawng ah Biaknak zate hrang thlacamnak tuah sak (July 22, 2022)

Bangladesh ram, Dhaka tlawng ah Biaknak zate hrang thlacamnak tuah sak

(July 22, 2022)

         Bangladesh ram, Dhaka university ah July 11 ah hmaisabiknak ah mipum mal mi biaknak sungtel mi tlawngta pawl hrang thlacam thei mi Shamsunnahar khaan tim an tuah sak thu, cui khaan ih tuanvo neitu professor Lafifa Jamal in university commity ih mipum mal mi tlawngta pawl hrang thlacamnak khaan tuah sak ding a rak bohcat thu, university cu tlawngta tinkim bangraan ten caantha ngahnak hmun a si thu, university tlawng dinhmun in tlawng sung zumnak bang lo mi kohhran mipi pawl ih caantha balnak hnatuan cawl dingah hmaisabik kekar thoknak a si thu, university ih um mi Christian, Hindu le Buddha zumnak thluntu tlawngta pawl hrang timlam sak mi a si thu, cui thlacamnak khaan sungah Bawi Jesuh, Buddha le Hindu biaknak zumtu pawl ih Pathian zuk pawl an ret thu, tlawngta pawl dinhmun in  hi caanserh an duh zet thu, hi vek fimnak pek mi caanserh tampi khal tel ding tiin khal an ruahsan thu a sim.

         Hindu biaknak zumtu tlawngta pakhat a si  mi Monic Roy in hi vekih thubohcatnak vek an timlam sak ruangah university ih tuanvo neitu pawl hnenih a lungawi thu, cu vekin Catholic kohhran mipi pakhat a si mi Priyanka Gomes khal in tu vekih timlam saknak cu zumnak bang aw lo  mi kohhran mipi khat le khat lungrual ten um tlang thei dingah a tha zet mi programme a si thu, leitlunhuap biaknak pawl le nunphung zung ah professor pakhat a si mi Catholic Puithiam, Fr. Tapan Rozario klhal in hmailam caan ah Christian pawl, Hindu le Buddha kohhran mipi pawl  hrangah Biakinn sak sak dingah ruahsannak a neih thu a sim.

         Hi mi university cu 1921 ah an rak sak theh ih nunau pawl ihnak khaan (5) le mipa pawl hrangah (3) a um. Tlawngta 38,000 an um ih tlawngta tamsawn cu Muslim pawl an si. Ram ih mipum taan 162 sungah zateek 90 cu Muslim pawl an si ih Hindu zumtu cu zateek 8, a dang zateek cu Buddha le Christian pawl an si tiah a sim.

         Hi thuthang cu RVA ih kan ngah mi a si.

https://bit.ly/3cPXGdT